Read Hrangkhol INPÂKNA HLAHAI 67 Bible Online

INPÂKNA HLAHAI 67 - Hrangkhol bible

INPÂKNA HLAHAI 67

¹Pathianin lung nin kham sianlân, sat ni vur sianlân, A hmêl chu ei chunga zuang invârtir ri se;

²Ni lampui chu irnêng chunga mihai inhriat a ni theia, Ni saninhringna chu nam tinrêng laia inhriat a ni theina hrangin.

³O Pathian, mi tinin nang inpâk ri sehai; Mi tinrênghai khan nang inpâk ri sehai.

⁴O, nam tin chu lôm taka omin, raifânin zâi ri sehai: Nangin mi tin chu theibîk nei loia roirêl pe’n, Irnêng chunga nam tin chu ni iop hrang a ni.

⁵O Pathian, mi tinin nang inpâk ri sehai. Mi tinrênghaiin nang inpâk ri sehai.

⁶Irnêng hin a thil inmong kha nang a pêka: Pathian, ei Pathian ngei khan, sat ni vur a ti.

⁷Pathianin sat ni vur a ta, Kôlkunga mi murdi khomin ama chi an ti.