Read Hrangkhol INPÂKNA HLAHAI 70 Bible Online

INPÂKNA HLAHAI 70 - Hrangkhol bible

INPÂKNA HLAHAI 70

¹O Pathian ni saninzôk hrangin irhnotin lân; O RENGPA, ni changpui hrangin irhnot ro.

²Ki hringna inboi tuma zongtuhai chu, mualinphoi tak le inzak takin omhai sian; ki siatna chunga lômhai chu irzûlpaiin inzakin om ri sehai.

³A ni nuisotuhai kha an hmâimôk sikin laizâm tho’n mualinphoi ri sehai.

⁴Nang a zongtu murdihai chu nangmaa khan raiinfân tak le lôm takin om ri sehai; Ni saninhringna irngai inhlutuhai chu “Pathian chu chôiindômin om ri se,” ti mai ri sehai.

⁵Khannisianlân kei chu inriang le invâi tak ki nia: Nang chu ni changpuitu le ni saninzôktu ni nia; O RENGPA, ir-ial viat no roh.