Read Hrangkhol INPÂKNA HLAHAI 76 Bible Online

INPÂKNA HLAHAI 76 - Hrangkhol bible

INPÂKNA HLAHAI 76

¹Judahai laia chu Pathian chu inhriatin a oma: Israelhai laia chu ar hming a roiinpui a ni.

²Salem-ah khan a kairênghai chu a oma, khan, ama omna chu Zion-a a oma.

³Kha khan thalhai chu an siata: phôhai, khandai hai, irdoina hai leh.

⁴Nang chu ni roiinpuiin nir khêl bâka, râllâk sum siakhômna tânga khan.

⁵Pasal sahai chu irokin an oma, An inmusu pat tâka; Mi hrâthai khomin tukhomin an kut irlek thei ta mahai.

⁶O Jakoba Pathian, ni halirchûna sikin tâli le sakor khom inmusutir patin an om ruai ruaia.

⁷Nang, nangma ngei khom, chi hrang ni nia: Ni ning an mur tâk le khom, tu mo ni mit hmua ngîr thei hranga?

⁸Ni roirêl thu chu irvân ata nin hriattira; Irnêng hin a chia, a dâihrek tâka,

⁹Irnênga mi thuhnuairôl murdihai saninhring hranga, Pathian chu roirêl hranga a thoi lai khan.

¹⁰Mihriam ninginmur khan nang a roiinpuitir uala, Ning nin murin a hmâihai chu irkhit a ti.

¹¹Thu inkung unglân, RENGPA nin Pathian ata sua roi: A kôla mi murdi chu chi hrangpu kha lômmanhai hong chôi pe ri sehai.

¹²Ama khan roirêltuhai hâina chu sât inbong a ti: Ama chu irnênga rênghai hrangin chi a iom a ni.