Read Hrangkhol INPÂKNA HLAHAI 79 Bible Online

INPÂKNA HLAHAI 79 - Hrangkhol bible

INPÂKNA HLAHAI 79

¹O Pathian, iamloi namhai chu nir chona hin an lûta, ni biak in irthiang hi an porinchetira, Jerusalem hi an insiat tâka.

²Ni siahlohai ruak chu chunglêng vâhai bua an pêka, Ni mi irthianghai hmê chu ramsahai an pêka.

³An thisen chu Jerusalem kôl vêla tui angin an bunpaia; Anni phûmtu hrang lak tûte om mahai.

⁴Ei kôl vêla mihai hrilsiatin ei lei oma, Ei kôl vêla mihai hmusit le innuisanin ei lei om tâka.

⁵O RENGPA, ni ningmur kumkhua hrang ma ni? Ni ihnarsâna kha mei angin a ichok hrang ma ni?

⁶Nangma inhre loi nam tin chunga hin ni ningmur chu insum roh, Ni’rhming irlam loi ram chunghaia khom.

⁷Jakoba-hai chu an fâk zoia, An omna chu an ramtir tâka.

⁸Ei irchibulhai pualoina kha ei chunga khan inhre mai no ro: Ni inrenna khan ni nghâk lat ri se: A satêna irhniamtirin ei om tâka.

⁹O ni saninhringtu Pathian, nir hming roiinpuina hrangin ni changpuiin lân: Ni’rhming sikin ni saninhringin lân, Kin sualhai hi infâitir roh.

¹⁰Ithoa mo nam tinin, “Kho mo an Pathian kha te?” an iti. Ni siahlohai thisen suak phuba lâkna chu ei mithmua nam tin laia hin inhriat ni ri se.

¹¹Mi intâng inrûm chu ni makunga tung ri se; Ni sinthotheina irkhêl sikin thi hranga inkunghai chu inzôkin lân;

¹²O RENGPA, nang an ihrilinsiatna kha, Kin kôl vêla mihai an dârsuama a bâk sari’n thuan nôk roh.

¹³Khanchu, keini ni mihai, ni sa lêngna hmuna belrahai hin, Kumkhua’n, lômthu nang hril kin ti: Irlo tin tin dênin nangma inpâkna chu nang inhriattir mai kin ti.