Read Hrangkhol INPÂKNA HLAHAI 8 Bible Online

INPÂKNA HLAHAI 8 - Hrangkhol bible

INPÂKNA HLAHAI 8

¹O RENGPA, kin RENGPA, Rammual pumpuia hin ni roiinpuizia chu anthang vang na! Nangma inpâknahai chu irvân irsâng tak a tung ta,

²Nâitesenhai le irhnu nêk laihai bâia suak khan, Nangma nang doituhai sikin zôkna kulpui nin dinga; Phuba latuhai murdi ni’rngamtir ta.

³Irvân, ni kut suakhai, Thâ le ârsi ni inkunghai khi, ki ngaitua zoro’n chu,

⁴“Mihriam hi imo a nia ni inhriat mai ngai? Mihriam nâipa khom hi imo a nia, ni ikan ngai?” ki ti ngai.

⁵Ama kha Pathian nêka irhnuai ual viatin ni siama, Roiinpuina le chôiirsângna nin khumtira.

⁶Ni kut suakhai chunga hin ircham nin neitira; A ke hnuaia itinrêng ni siaa:

⁷Belra le sehrât murdihai le, A ni, ram sâhai leh khom;

⁸Chunglêng vâhai le tuikhangliana ngahai, Tuikhanglian lampuia fe murdihai leh.

⁹O RENGPA, kin RENGPA, Irnêng chung pumpuia nir hming a sa bâka!