Read Hrangkhol INPÂKNA HLAHAI 81 Bible Online

INPÂKNA HLAHAI 81 - Hrangkhol bible

INPÂKNA HLAHAI 81

¹Pathian nin hrâttirtu chôiindômin râifân takin zâi unglân: Jakoba-hai Pathian chôiindômin raifân takin khêk roi.

²Inpâkna hla sak unglân, khuangte hai, serânda irhâihoi tak hai, perkhuang hai leh hong chôi roi.

³Tha thara chu bekul tum unglân, Tha rîlhai, ei kût nia khan.

⁴Israelhai ta hranga thu’nkung a nia, Jakoba-hai Pathian dân a ni.

⁵Kha kha Josefa-hai laia thu inhriattirna hranga a ni: Aigupta ram chunga a fe suak lai khan: Ki chong inhriat loi mikuara kin hriatna kha.

⁶An dâr chu thil rik ata ki lâkpaia: Nin puakhai chu nangni ki’rnghattira.

⁷Lunginzîngin nin ni koia, nangni ki saninzôka; Khonri irbîkna hmuna khan nangni ki sâma; Meriba tuihaia khan nangni ki fia kha.

⁸O, ki mihaio, irngai unglân, nangni kin hriattir: O Israelhaio, ki thu irngai nuam unglân chu o!

⁹Ram dang pathian rêng rêng chu nin laia an iom hrang ni maka; Mi dang pathian rêng rêng chu nin ibiak viat hrang ni ma.

¹⁰Kei, RENGPA nin Pathian kha ki ni, Aigupta ram ata nangni hruai kâitu kha: Nin bâi âng irzat unglân, nangni insip pe hrang a ni.

¹¹Khannisianlân ki mihai khan ki’rhâi irngaitua mahaia; Israelhai khan ni nuam mahai.

¹²An lungrîl ngar sikin kin thâ tâka, an nuan lam taka om hrangin.

¹³O, ki mihai hin ki thu irngaiin, Israelhai hi ki lampuihaia hin fehai sianlân chu o!

¹⁴An râlhai chu kin lômtirhai latin, Anni doituhai chunga khan ki kut ki inlek hrang pial te,

¹⁵RENGPA khôkmâktuhai chu a makunga inthingin kûn an ta, Kumkhua’n hrem tuang an ti.

¹⁶Nangni chu bu tui takin nangni infa ki ta, Lungpuia khuaihlutuiin nangni inkhoptir ki ti.