Read Hrangkhol INPÂKNA HLAHAI 83 Bible Online

INPÂKNA HLAHAI 83 - Hrangkhol bible

INPÂKNA HLAHAI 83

¹O Pathian chong loiin om no ro: O Pathian, dâihrek no’n lân, om chian chian no roh.

²Irngai ta nang a doituhai chu an pût mur mura: Nang a khôkmâktuhai chu an tang vung vunga.

³Ni mihai hi vârirlet takin an irsiama, Ni mi thuphai chunga hin a siat lamin an irti irhlôma.

⁴“Thoi, an nam irhmang rakin inboihai ei ti! Israelhai irhming rêng rêng hi inhriat chiana a om ta loina hrangin,” an tia.

⁵Thu irrualin an irti irhlôma; Ni chunga a siat lama, tho hrangin chong an inkunga.

⁶Edom-hai le Israelhai puan in hai, Moabhai le Hagar-hai;

⁷Gibal-hai le Amon-hai le Amalek-hai; Filistia-hai Tura khuaa omhai leh:

⁸Assuria-hai khom anni tiang an kop saa; Lota irchihai an changpuia.

⁹Annihai chu Midian-hai chunga ni itho ang hai, Kison dunga Sisera chunga ni itho ang hai, Jabina chunga ni itho ang khan tho ro:

¹⁰Kha mihai kha Endor khuaa an irhmanga; Irnêng hrangin hri ang dên an hong ni tâk kha.

¹¹An mi lianhai chu Oreba le Zeeba ang khan siamin lân, A ni, an rêng murdihai chu Zeba le Zalmuna ang khan siam roh.

¹²Kha mihai khan, “Pathian omnahai chu luapai pe ei ti,” an ti kha.

¹³O ki Pathian, annihai chu vâiphin irvêl but but ang hin siam ro; Bu’rsi phâivua’n a isêm invuang mur mur ang hin.

¹⁴Ram kângtu meidôn ang le, Tâng kângtu meidôn ang hin;

¹⁵Anni chu ni phâivopuiin irzûlin lân, Ni phâivua hrâttak angin inchitir roh.

¹⁶O RENGPA, nir hming an zong theina hrangin, An hmêl chu inzakna’n insip roh.

¹⁷Kumkhua’n mualphoi le lungzîng takin om sianlân; A ni, inzaktira omin irhmang ri se:

¹⁸Nangma vai hi JEHOVA irhming irput, Irnêng murdi chunga Anchungtak ni nih ti an inhriat theina hrangin.