Read Hrangkhol INPÂKNA HLAHAI 84 Bible Online

INPÂKNA HLAHAI 84 - Hrangkhol bible

INPÂKNA HLAHAI 84

¹O sipaihai RENGPA, Ni omnahai chu a hoi bâk ngaia!

²Ki hringna hin RENGPA biak in hualsûng kholaihai chu ar ngai tak taka, a ni; a sôl sa raka; Ki milung le ki taksa hi Pathian hring kuanga khan a khêk suaka.

³O Sipaihai RENGPA, ki rêng le ki Pathian, Ni maichâm bulhaia khan chongzonghaiin irbu an kaia, Pêlôihai khomin irbu an neia, an têhai siana hrangin.

⁴Ni ina omhai chu an vân a sa e: Nang chu nang inpâk mai an ti.

⁵Nangmaa hrâtna nei mi chu a vân a sa e; A milunga Zion panna lamlianhai om kha.

⁶Chapna varuam kha an hro’n tuihnâr omnahai an siam ngaia, A ni, rotui tâk masa khan satvurna’n ar khû ngai.

⁷Hrâtna ata hrât nôk ualnaa an fe ngaia, Zion-a Pathian makunga khan an inlang seng ngai.

⁸O RENGPA, sipaihai Pathian, ki chongchaina hi nir ngaitua pe’n lân: O Jakoba-hai Pathian, ni mikuar lei do roh.

⁹O Pathian kin phô tak, en ta, Ni sahriak poltu hmêl hi en ta.

¹⁰Ni biak in hualsûng kholâia sûn khat om hi, sûn sângkhat nêkin a sa uala. Pualoina puan inhaia om nêkin chu, Kin Pathian ina mikot enkoltu ni khom ki nuam ual a ni.

¹¹RENGPA Pathian kha misa le phô a ni: RENGPA khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

¹²O sipaihai RENGPA, Nangma iam mi chu a vân a sa e.