Read Hrangkhol INPÂKNA HLAHAI 86 Bible Online

INPÂKNA HLAHAI 86 - Hrangkhol bible

INPÂKNA HLAHAI 86

¹O RENGPA, keima tiang hin ni beng zuang do’n lân, ni sâm ro; Inriang le invâi tak ki ni hi.

²Ki hringna hi vong insa ro; Pathian uksak mi ki nia: O, nang ki Pathian, nangma iamtu, ni siahlo hi saninhring roh.

³O RENGPA, lung nin kham ro; Sûn nitungin nang kin sam ngaia,

⁴Ni siahlo hringna hi inlômtir ro; O RENGPA, ki lungrîl hi ni kuang ki siakhak ngaia.

⁵RENGPA, nang chu ni saa, ngaidam ni nuama, Nang a koitu murdi chunga lungkhamna ni sip ngai a ni.

⁶O RENGPA ki chongchainaa hin ni beng zuang do’n lân; Lungkham ki ngênna irhâi hi ngaitua roh.

⁷Ki lungzîng ni khan nang koi ki ta; Nangin ni ni isâm hrang a ni.

⁸O RENGPA, pathianhai laia nangma ang rêng rêng hi om mahai.

⁹O RENGPA, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

¹⁰Nang chu ni roiinpuia, thilirkhêlhai ni tho sa ngaia: Nangma vai hi Pathian ni ni.

¹¹O RENGPA, ni lampui chu nin entir ro; ni thutaka om ki ti: Ni’rhming chi hrangin milung pumkhat ni’rputtir roh.

¹²O RENGPA ki Pathian, ki milung murdi’n nang inpâk ki ti; Ni’rhming hi kumkhua’n chôiindôm ki ti.

¹³Ki chunga ni lungkhamna chu ar khêlin; Ki hringna hi khurpadop inthûk tak ata ni saninzôk tâka.

¹⁴O Pathian, mi lârirpâkhaiin an ni beia, Mi nunsia omkhômhai khan ki hringna hi inboi tumin an zonga, Nang chu an makunga nang sia mahaia.

¹⁵Khannisianlân, O RENGPA, nang chu Pathian, inrennaa sip, lung nin kham theitak, milung ir-ial, lungkhamna le thutaka sip ni ni.

¹⁶O, keima tiang zuang irheiin lân, lung nin kham ro; Ni siahlo hi ni hrâtna pe ro. Ni suaknu nâi hi saninhring ro.

¹⁷Ni ni ikan bîkna inlangtirin lân; A ni khôkmâktuhaiin kha kha hmu an ta, an mualinphoina hrangin, RENGPA, nangin ni ni changpuia, irtharngam ni ni sak sikin.