Read Hrangkhol INPÂKNA HLAHAI 91 Bible Online

INPÂKNA HLAHAI 91 - Hrangkhol bible

INPÂKNA HLAHAI 91

¹Anchungtaka irbîkna hmuna omna chu Itinrêngthotheia irhlîma khan om mai a ti.

²RENGPA chungchânga chu, “Ama chu ki zôkna le ki kulpui; Ki Pathian, ki iiam kha a ni,” ti ki tih.

³Ama chu châng kamtu châng ata le Hri saloi tak ata khan nang saninzôk a ti.

⁴A mitha’n nang irkhû a ta, A mithâ hnuaia tûk lût ni ti; A thutak chu pho chîn le pho lian a ni.

⁵Zâna thil ichiom chu chi no chi ni; Sûna thal hong inlêng ngai kha chi ual hliak no chi ni:

⁶Inthim hnuaia hri lêng ngai chu chi no chi nia, Sûn laia thil insiat ngai siatna chu chi ual hliak no chi ni.

⁷Ni sîra sâng inrîl an ta, Ni chang tiang nuai khat inrîl sa an ti; Khannisianlân nang chu nang nâi no ni.

⁸Ni mitin en ni ta, Mi siahai thuanna chu a hmu’n hmu ringot ni ti.

⁹O RENGPA, nang chu ki zôkna ni ni! Anchungtak chu ni omna’n ni hmanga;

¹⁰Thil saloi rêng rêngin nang tok no ni, Hri rêng rêng khomin ni puan in hong nâi viat no ni.

¹¹Ni lampui tinrênga nang inzôk hrangin, Ni chungchânga chu a vântirtônhai kha ircham a ipek hrang a ni.

¹²An kutin nang indom an ta, khano’nchu ni ke’n lung irfûina ni ti.

¹³Kâmkeibaknei le rûlpui chu sir ni ta: Kâmkeibaknei vânglai le rûlpui chu chîl chit ni ti.

¹⁴Ki chunga a lungthungna a sip khak sikin saninzôk ki ta: Ki’rhming an hriat sikin hmun irsânga bâng ki ti.

¹⁵Ama khan ni koi a ta, khanchu sâm ki ti; Kei chu a lunginzîng lai khan a kuang om ki ta: Ama ki saninzôkin chôiindôm ki ti.

¹⁶Dam sôtna’n lung inchuktir ki ta, Ki saninhringna chu inhmutir sa ki ti.