Read Hrangkhol INPÂKNA HLAHAI 97 Bible Online

INPÂKNA HLAHAI 97 - Hrangkhol bible

INPÂKNA HLAHAI 97

¹RENGPA chu rênga a toia; irnêng hi raifân takin om sianlân; Chômbung tamtak takhai chu lôm takin om ri sehai.

²Sûmhai le inthim irsa khak chu a kôla a oma: Felna le roirêlna fel chu a rêngtoihmun irnghatsan a ni.

³A maton tiang chu mei a fea, A kôl vêla ama doituhai chu a kâng irhmang ngai.

⁴A kôlirtêkhai khan rammual hi an vârtir lop lopa: Irnêng hin a hmua an thinga.

⁵Tânghai chu khuaihlu angin RENGPA makunga a zor zoi tâka, Rammual pumpui RENGPA makunga khan.

⁶Irvânhai khin a felna chu tâng an sampuia, Mi tinrêng khan a roiinpuizia an hmu tâka.

⁷Millim siamhai sinthotu murdi chu mualinphoiin om ri se, Millimhai songtuhai chu: Nangni pathian murdihaio, ama chubai mûk roi.

⁸Zion tâng khan an hriata, lôm takin a oma, Juda nâinuhai chu raifân takin om an ta; O, RENGPA ni roirêlna sikin.

⁹RENGPA nang chu irnêng murdi chunga hin anchungtak ni nia: Nang chu pathian murdi chung taka chôiindômin ni om.

¹⁰O RENGPA lungthungtuhaio, sual khôkmâk roi. Ama chu a mi irthianghai hringna chu a vong insa ngai; Anni chu mi siahai kut ata a saninzôk ngai.

¹¹Mi felhai hrangin khua a zuang vâra, Milung dikhai hrangin lômna a zuang tung ta.

¹²Mi felhaio, RENGPAA lôm takin om unglân; A’rhming irthiang chu inpâk roi.