Read Hrangkhol INPÂKNA HLAHAI 98 Bible Online

INPÂKNA HLAHAI 98 - Hrangkhol bible

INPÂKNA HLAHAI 98

¹O, RENGPA chôiindômin hla thar sak roi; Sinirkhêl takhai a tho tâk sikin; A kut chang tiang le a bân irthianga khan ama ta hrangin saninhringna a siam pe tâka.

²RENGPA khan a saninhringna kha an hriattira: A felna kha nam tin mithmua khan fia takin an langtir tâka.

³Israela insûng mihai chunga a lungkhamzia le a iamomzia kha an hriat maia: Kôlkunga mi murdi khomin ei Pathian saninhringna kha an hmu tâka.

⁴Irnêng lua murdihaio, RENGPA chôiindômin raifân takin khêk unglân: khêk suak unglân raifânin zâi roi, a ni, inpâkna hla sak roi.

⁵Serânda leh RENGPA inpâkin zâi roi; Serânda leh inpâkna hla irhâi leh.

⁶Bekulhai le bekul bi nei irhâi leh, Inlaltak, RENGPA makunga khan, raifân takin khêk roi.

⁷Tuikhanglian le a sûnga thil om murdi hi irse lul lul ri se; Rammual le a sûnga omhai leh hin;

⁸Tuipuihai khan an kut inbênhai sianlân; Tânghai kha raifânin zâi ri sehai,

⁹RENGPA makunga khan; irnêng roirêl hrangin a izuang hrang a nia: Rammual hi fel takin roi rêl pe a ta, Theibîk nei loiin mi tin roi chu rêl a ti.