Read Hrangkhol INPÂKNA HLAHAI 99 Bible Online

INPÂKNA HLAHAI 99 - Hrangkhol bible

INPÂKNA HLAHAI 99

¹RENGPA chu rênga a toia; mi tin chu inthing ri sehai: Ama chu cherubhai chunga a toia; irnêng hi inhnîng ri se.

²RENGPA chu Zion kho sûnga khan roiinpui tak a nia; Mi tinrênghai chunga khan an chungtak a ni.

³Anni khan nir hming roiinpui tak ichiom tak kha inpâk ri sehai; Ama chu a irthiang a ni.

⁴Inlaltak hrâtna khan roirêlna a’rngaiinhlua; Nang chu theibîknei loina nin det ngaia, Nang chu Jakoba-hai laia roi ni rêla, fel takin ni tho ngai.

⁵RENGPA ei Pathian chu chôiindôm unglân, A ke irnghatsan bula khan chubai mûk roi: Ama chu a irthiang a ni.

⁶A ochaihai laia khan Mosia le Arona, A’rhming irlamtuhai laia khan Samuela; Anni khan RENGPA chu an koia, ama khan a sâm tâka:

⁷Sûm indinga khan an kuang thu an sîra; A thu inhriattirhai le thu’nkung a pêk kha an zôma.

⁸O RENGPA kin Pathian, nang chu anni kha ni sâma: Nang chu anni ngaidamtu Pathian ni ni, An sintho chunghaia phuba lâk ngai khomin lân.

⁹RENGPA ei Pathian chu chôiindôm unglân, A tâng irthianga khan chubai mûk roi; RENGPA ei Pathian kha a’rthianga.