Read Hrangkhol THUHRILTU 6 Bible Online

THUHRILTU 6 - Hrangkhol bible

THUHRILTU 6

¹Misa hnuaia thil saloi tak ki ihmu a oma, mihriam hranga rik tak a ni:

²Pathianin mi irchon le neinunghai le mahripomnahai a pêka, a milunga a irzuk murdi chu irsam rêng rêng nei maka; khannisian Pathianin ama chu khahai kha a fâk hrang phal pe maka, khannisian mikhual chu hongin a fâkpai pe tâka. Hi khom hi chanlamboi a ni.

³Mi’n nâi irzakhat neiin, kum tamtak hring sianlân, khannisian a milung chu thil sahaiin inlômtir thei loiin, sa ving khomin thânmual a liam thei noa ni’n chu, kha mi nêk khan nâite a thi saia suak chu a sa ual keiin chu ki iti a ni.

⁴Kha nâite kha a’rfêna boiin a zuang suaka, inthima ar hmangpui tâka.

⁵Misa chu hmu loiin, ite inhre no khom sianlân, kha mi nêk khan chu irngamna hoi ual chu a ihmu a ni.

⁶A ni, kum sânghni hring khom sianlân, hringnun hi hoi taka a hmang thei noa ni’n chu, mi murdi chu hmunkhata an ife ving mo ni mah?

⁷Mihriam sin sôlna murdi chu a bâi ta hrang a nia, khannisian a phîngchâmna chu itiklai khom inkhoptirin om ngai ma.

⁸Mi vârin mi invêt nêkin imo inlâpna a hmu uala? Inriangin hringnun hmang dân an hriat ualna hin a ta hrangin imo a’rfêna a oma?

⁹Irzukna nêkin chu mita hmu hi a sa ual: hi khom hi chanlamboi le a korong a ni.

¹⁰Thil hong om murdi hi irhming phua tâk an nia, mihriam nitna khom hi inhriat sai a ni; ama nêka roiinpui ual chu doi thei mah.

¹¹Irsêlna sei tak khom hi, chanlamboi a nia, thudik kha indangtir thei no chi ni.

¹²Khan tu’n mo irnênga hring sûng sôtloite kâra mihriam ta hranga satak hrang chu an hriat theia? A hring sûng nikhuahai chu irhlîm angin ar hmanga, ama chu a fe zoi hnunga misa hnuaia hin imo hong tung a tah ti tu’n mo ama chu inhril thei hrang?