Read Hrangkhol HLAHAI HLA 6 Bible Online

HLAHAI HLA 6 - Hrangkhol bible

HLAHAI HLA 6

¹O nupanghai laia hmêl satak, kho tiang mo ni lungdi kha a fe ta? Nang kin zongpui theina hrangin, Kho lampuia hin mo ni lungdi a ife nin hril ro.

²Ki lungdi chu a’rhuana pâr mirimhoihai laia a fe, irhuana va chum hrang le lili pârhai irkhôm hrangin.

³Ki lungdi chu ki ta a nia, kei chu ama ta ki ni; a sâhai chu lili pâr bila an fâhaia.

⁴O ki lungdi nang chu Jerusalem angin en ni hoia, Tirza khopui angin en hnông zât ni mak chea, sipai puanzâr le irvoa roiinpui takhai ang ni ni.

⁵Ni mithai leh khan ni en no ro, Suak anga omin a ni’rhmutir ngai sikin, ni samhai chu Gilead tâng panga kêl rual chum angin an chânga.

⁶Ni hahai chu belra pâl tuiirsil zoi chakhai angin an ngoia, a bo bopin an oma, inkhat lua a fanga om om mahai.

⁷Ni bianghai chu ni puan lukhum hnuaia dalim khoi saihai ang a ni.

⁸Rêngnu sômruk le, lâksîr sômriat le dôngmate tep zoiloi chu an oma.

⁹Khannisianlân inkhat vai ki lunginkhama, ama chu vasute ang dôra sa a ni, nupang murdi’n ama chu an inpâk ngaia, Rêngnuhai le lâksîrnuhai khomin, ama chu an inpâk ngai.

¹⁰Tu ngân mo a ini kôlirsal anga hong inlanga, sortha anga vâra, misa anga irtêka, ârsi de anga roiinpuitak khi?

¹¹Almond thing irhuana ki zu fea, Irhôra thing chiakhai en hrang le, grep rânghai mo an cher nôk ta ti leh, dalim kunghai pârvângin mo an fîm tah ti en hrangin.

¹²Khanchu ki’rtûng no lai takin, Ki’rtha’n ki rêng tâlia khan a nin toitir tâka.

¹³Kîr ro, kîr ro, o Sulam mi, Kîr roh kîr roh nang kin en theina hrangin; Mahanaim lâm en ang rengin, Itin mo Sulam mi kha en thei ni ta?