Read Hrangkhol ISAIA 18 Bible Online

ISAIA 18 - Hrangkhol bible

ISAIA 18

¹Ethiopia varâla vuang irhâi anga omna rama om,

²kha mihai khan Nail vadung hong zuiin irkuang chînte hong chôiin palai an hong tîra, Nin rama kîr roi, palai hrâthaio, nam hrâthai le sinthotheihai, mi irnak nei le inrual, tianlai ata mi ichiom mihai omna, vadung tamtak irkân theina rama khan;

³rammuala om murdi irnêng chunga siphaio, tâng sîpa irsinsiana an itâr lei thîr mai unglân, bekul irhâi le’rngai roi.

⁴RENGPA’N hiang hin ki kuang a ti, “Om chian unglân, ki omna hin thîr mai ki ti; kholum laia sûm a irthiang ang hin, bu ât zoroa irdo sûmmizun ang hin”, tiin.

⁵Grep pâr a hong chila, a ra tâka, khannisian a ra a hmin mâna chil angin Ethiopia mihai chu an râlhaiin soisakhai an ti.

⁶An ruakhai chu ramkâra, irmu le ramsahai fâk hrangin masan an ti; kholum laiin irmuhaiin fahai an ta, phalbi tiang chu ramsahaiin fahai an ti.

⁷Nam hrât le sinthothei hai, mi isora, hmêlsahai chu, tianlai ata mi lei ichihai ngai chu tui tamtak luangna hmun ata kha, Itinrêng RENGPA irhminga phua, a omna hmun Zion-a khan, thilpêk chôiin hong an ti.