Read Hrangkhol ISAIA 20 Bible Online

ISAIA 20 - Hrangkhol bible

ISAIA 20

¹Assuria rêng Sargona thupêk angin sipai uliantakin Filistia khua mi Asdod chu a doia, an lâk pea.

²Kum thum lei fe tâka khan Amoza nâipa Isaia chu kekok bun loiin, bora puan sil ta loi hrangin RENGPA’N thu a pêka, a iti angin a thoa; korongin kekok bun loiin a oma.

³Asdod khua an lâk kumin RENGPA’N, “Ki siahlo Isaia chu kum thum sûng kekok bun loiin korongin a oma, ama hi Aigupta le Ethiopia chungchânga irsinsiana le thilirkhêl ni a ti.

⁴Hiang hin Assuria rêngin Aigupta mi an ichelhai le Ethiopia mi sala hranga an ihruaihai, nâipang khom ulian khom, koronga kekok lua bun loiin an pin irlangin sehai a ti. Aigupta ram chu mualinphoi ok hrang a ni.

⁵Ethiopia lei tûng hraia, Aigupta lei song ngaihai chu, beidong rakin an chardong ok a ti.

⁶Kha zoro a hong dênin chu, hi tui kôla omhai hin, ‘Ei lei tûnghai hraia, Assuria rêng kôl ata ni san le nin zôktir hranga ei lei irhnêlhai hi chanlamboi an ni hi! Einihai hi itin mo kin bingin kin irsûnghual thei hrang?’ ” ti an ti.