Read Hrangkhol ISAIA 24 Bible Online

ISAIA 24 - Hrangkhol bible

ISAIA 24

¹RENGPA’N Irnêng hi inlet a ta, irhmangtir a ti. Kai illettir a ti.

²A sûnga omhai hi kai thekpai ving a ti. Mi papai le deipu, siahlo le a pu, siahlonu le a pi, ar chôktu le a zuartu, an pûktirtu le a pûktu, an tângtirtu le an tângtu, an tuang tum chu irang ving a ti.

³Irnêng chu bun inrong ni a ta, insiat vingin om a ti, kha thu kha RENGPA’N a lei hril sai tâk a ni.

⁴Irnêng hi châra ngûi ruaiin om a ta, rammual chu beidongin om a ta, irnêng irvân khom ngûi a ti.

⁵A sûnga omhaiin irnêng hi an porinchetira, dân zôm loiin thupêk khom pom nuam mahai, kumkhua Thuthung ite bêa bê loiin.

⁶Khasikin irnêng hi khosâl a ni tâka. A sûnga omhaiin an sualna ra an fâka, mihriamhai kângin an oma, a thi zoi loi chu tômte an ni.

⁷Grep râng a chuaia, Uain khom a itôm si sit a ni ta, raifân ngaihai an ngûi zoi ta.

⁸Mikuar inchoka khêka lâmhai ngai, irhu a dâi zoi tâka. Perkhuang inper irhâi inhriat hrang lua om zoi ta mah.

⁹Uain inin hla khom sak ta mahai. Zu thum an in khomin a khâ in angin an inhriata,

¹⁰Khopuihai khom a siatin a ngûi zoi ta, an inhai an kala, lût thei ni ta mah.

¹¹Beidongin kholaidunga an khêka, Uain in hrang an nei ta no sikin, a râiinfân hmêl tûte om ta mahaia, irnênga lômna rêng om ta mah.

¹²An khopuihai a siat zoi tâka, kul mikothai khom an suk siat zoi ta.

¹³A ra an inok thâk Oliv kunghai khom, Grep râng an inot phiar sai tâk ang hin rammuala nam tin la hong ni an ti.

¹⁴A la damhai chu lômin khêk an ta, khotâng nun ata RENGPA roiinpuizia chu khêk suakpui an ti.

¹⁵Nisua tianga mihai khomin RENGPA chôiindôm an ta, Israelhai Pathian RENGPA irhming chu tuipui kôla omhai khomin inpâk an ti.

¹⁶“Kôlkil ata, mi dikhai chu chôiindômhai roi,” tia hlasak irhâi inhria ei ti. Ki’rzal ta, ki’rzal ta, ki lu chung a rik! a ni hnôltu’n a ni hnôl maia, a ni ihnôl dân khom a irkhêl a ni.

¹⁷Hnuai mihaio, thilirkhêl tak hong tung hrang a ni, irnêng chima delpha hi nin maton a ni ta.

¹⁸Thil ichiom hmua intânhai chu, irnêng chim siatnaa tâ an ta, khatak ata la hong suakhai chu, an omna hmun hmîmin kai pehai mai a ti. Irvân tukver irhongin ruapui hong tho zut zut a ta, irnêng pumpui inhnîng a ti.

¹⁹Irnêng hi a koi chita, irnêng hi irhmangin a om vinga, irnêng hi a saterengin an hnînga.

²⁰Zu’nrui angin hon hnîng van hnîng a ta, irnak irvun boi angin om a ti. Sualnahai hi irkhêl takin irtetpui a ta, thoi ta no ni.

²¹Kha tena chu chung tianga sinthotheinahai le irnênga rênghai RENGPA’N hremhai a ti.

²²Suaka intâng khurpadopa siakhômhai angin rênghai chu khumhai a ti, inhnunga soisakhai hrangin sehai hluk a ti.

²³Tha le misahai khom inzak an ta, Zion tânga Jerusalem, Tinrêng RENGPA chu rêngtoihmuna toi a ta, ulianhaiin a roiinpuina hmu ngai an ti.