Read Hrangkhol ISAIA 39 Bible Online

ISAIA 39 - Hrangkhol bible

ISAIA 39

¹Kha lai khan Balada’n nâipa Merodak-baladana, Babulon rêngin Hezekia damloi a dam nôk tah ti thu an hriatin chu thilpêk le lekha a hong thona,

²an chunga khan Hezekia chu a lôma, khanchu a sum siana in an entira, tangkarua, rângachak, mosola, sahriak mantam, a râltukfam murdi le ar chon laia hmu thei om ka chu an en zita. A rêng ina om a rêng ram sûnga thil, Hezekia’n a inen loi om mahai.

³Deipu Isaia chu Hezekia kuang a honga, “Kha mihai khan imo an hong itho hrang? kho tiang ata hong moh an ini?” a tia. Hezekia’n, “Ram hlatak ata hong an nia, Babulon khua ata hong an ni,” a tia.

⁴Ni in sûnga i zât mi moh an hmuhai? a tia. Hezekia’n “Ki ina thil om murdi kin entirhai vinga, ki sum siana in khom an ien loi ite om ma,” a tia.

⁵Isaia’n, Hezekia kuang khan, “Itinrêng RENGPA thu hi irngai ro:

⁶Irngai ro, ni ina thil om murdi, ni pahaiin a vuan sûn tena an isiahai le, Babulon an lâk zoro hong tung a ta, ite an imâksan om no ni,” RENGPA’N a ti.

⁷“Nangma inei ngêt, ni nâipasal laia senkhat chelhai an ta, an til la pehai an ta, Babulon rêng ina om an ti,” a tia.

⁸Hezekia’n a dam sûng chu râlirvei loiin zôkin om hrang angin a le’rngaia, Isaia kuang, “RENGPA ni thu hril chu a sa,” a tia.