Read Hrangkhol ISAIA 46 Bible Online

ISAIA 46 - Hrangkhol bible

ISAIA 46

¹Babulon-hai ibiak pathian Bela le Nebo chu, an sôlin ite châng thei ta mahai: Sakuartunghai an inpêltirhaia, sa sôl tâkhai hrang khomin rik tak an ni.

²Millim hrât loihai hrang khomin, a’rzôntuhai san thei mahaia, mâni khomin irsansuak thei mahai. Sala om hrangin an hruaihai ta.

³Jakoba le Israel in mi la dam murdihaio, Ki thu hi irngai roi, nin suak ata nangni ki ipuak inlian nin ni.

⁴Tar kûna lu chuak rak dênin keima hi ki ni, nangni hruaipu chu, ki kut suak nin nia, nangni hrung mai ki ta, nangni chôiindômtu ki ni, nangni san mai ki ti.

⁵Tuhai leh moh a ni irkhek hranga, tu leh moh a ni itetûk hrang?

⁶An hmarsa ata rângachakhai kêlsua an ta, tangkaruahai varh an ta, kut theithiamhaiin pathian illim siam an ta, kûnin chubai an mûk tâka.

⁷An dârsuama an chuanga, an ir-iampuia, An omna hrang hmuna an va siahaia, an isia lam takin a omchian ngai. Irthîn thei ni maka, an chongpuihai khomin sâm thei mahaia, chardong irlahai khom sian sanhai thei mahaia.

⁸Khahai kha inhre mai unglân, irngaitua ta roi, Mi sualhaio, irngaitua roi.

⁹Tianlai rengata thil omzia kha inhre ta roi, keima hih Pathian omsun ki ni, mi dang om mahai, keima vai hi ki ni, Pathian omsun chu.

¹⁰A phut ata a mong dêna thil ki hril ngaia, thil hong tung hrang tianlai ata ki lei hril ngaia, “Ki iti chu det mai a ti, ki iti tâk chu tho ngêt ki ti,” tiin.

¹¹Nisua tiang ata irmupui hong koi ki ta, ram hlatak ni khom sian ki mi inkung chu ki ipan a ni; a ni, ki lei iti tâk angin, hong tung a ti, ki tum tâk sikin tho ngêt ki ti.

¹²Milung lianhaio, ki thu hih irngai roi, Zoina nî sûn chu hla loiin nin bêa,

¹³ki felna sûn chu a hong nâi ta, hla ta mah sôtnote sûngin nangni saninhring ki ta. Zion chu saninhring ki ta, Israel chu roiinpuitir ta ki ti.