Read Hrangkhol ISAIA 56 Bible Online

ISAIA 56 - Hrangkhol bible

ISAIA 56

¹RENGPA’N hiang hin a ti: Diktakin roirêl unglân, diktakin sintho roi, nangni sansuak lat hrang ki ni ta, ki fel lam chu hong inlang ta a ti.

²Sabat insiat loia serhai ngai, thil saloi tho nuam ngai loi, hihai hi tia, thohai ngai mihriamhai vânneizia

³RENGPA mihai hor bêl ngai nam danghaiin, “RENGPA’N a mihai le ni en indang lamin,” ti viat no roi, thainuzel mi khomin “Thingcher pa pai ki ni,” ti no ri se.

⁴Thainuzel kuang RENGPA’N hiang hin a ti: Sabat sera, ki nuam thoa, ki thuthung chel indettu chu;

⁵Ki Tempil, ki in sûng ngêta hin, ama inhriat maina siam pe ki ta, nâinupang le pasal neituhai laia irhming sa infelhai ki ti. A’rhming dâi ngai ta no ni.

⁶Nam dang, RENGPA irbêla a sinthohai, RENGPA irhming irngai irsânga, a siahloa irpêk, Sabat insiat loia serhai ngai, ki thuthung vong maihai ngai chu.

⁷Ki tâng irthianga hruaihai ki ta, chongchaina hmun, ki ina chu raifân takin inomtirhai ki ti. Hâlirvôm thil irbôlnahai, ki maichâma an hong ichôi chu lei lômhai ki ti. Ki tempil hi mi tinrêng ta hrangin chongchaina hmun ti ni a ti.

⁸Irthekindarh Israelhai hruai khôm nôktu RENGPA PATHIAN thusuakin hiang hin a ti: a danghai khom la hruai khômhai mai ki ti.

⁹Ram hnuaia om, rampuia chum, sahrânghai, hong unglân, hong sê roi,

¹⁰Râl vêngtuhai mit chu an chotira, ite hmu thei loiin. A hrungtua siaa ui inmûk nuam loi ang hi a ni. Irmang nei raka inmurhnik vai nuam, zâl phâmhmohai:

¹¹Ui huatirham ang hin khop thei loia, belra enpu chu ni pumin, a siat le a sa theitha thei loi; mâni nuam lam anga omin, an hranga inlâpna vai zong maiin.

¹²“Tho zu zong ei ti; rakzu tui thum in telin om ei ti, nangtûk len vâng chu a vuana nêkin la thum ual a ti,” an ti.