Read Hrangkhol ISAIA 62 Bible Online

ISAIA 62 - Hrangkhol bible

ISAIA 62

¹Zion sikin dâihrek thei ta no ninga, Jerusalem sikin omchian thei ta no ning. A dik lam chu an lang infela, saninhringna a nina meivâra a vâr inlang infel no’n chu.

²Nam tinrêngin nin dikzia chu hmu’nfel an ta, RENGPA iphua irhming thar irput ni ti.

³RENGPA hranga chôiindômna lukhum enhoi ni sa ni ti.

⁴“A’rkhêl,” nang ti no nihaia, “A’rhmangnu,” nang ti ual no nihai. ‘Indiknu’ nang ti ta an ti. RENGPA ni chunga a lôma, ni ram ta hrangin pasal angna nei a ti.

⁵Dôngmate irthiang ruathar inlâr takin a ilua ang hin, a siamtu khan nang pom a ti. Moineitu’n a moi a ilôm ang hin, ni Pathianin nang lôm a ti.

⁶Jerusalem nir kul banghai a hrungtu sia ki ta, a sûn a zân om mai thei no nihai. A chonginkung kin hriat mai theina hrangin RENGPA hril mai an ti.

⁷Jerusalem an hong indet nôka, nam tinhai inpâk ruk hrang a ni mâka chu, RENGPA chu omchian phal no nihai.

⁸RENGPA’N a kut chang tiang kher pharin thu an kunga, A bân irnak hrâtin tho ngêt a ti. Ni buhai chu nin râlhai nêk phal no ninga. Nin isinna ra uainhai khom, nam danghai in zoi hrang phal ta no ning.

⁹A âttuhai ngêtin bu chu nêk ta an ta, RENGPA inpâk pumin, grep ra irhmaltuhaiin, kin irthiang tiin kholâia in an ti.

¹⁰Kho sûng ata hi fesuak unglân, ki mihai hongna hrang lampui siam hrangin, irthok ta roi. Nel inbit unglân, lamlian siamna hrangin nel inbit roi. Lunghai irthiang infâi unglân, mi tin mithmua irsinsiana puan târ roi.

¹¹Nam tin inhriatin RENGPA’N an puang ta. Zion nâihai chu hril ro, “RENGPA’N nangni a hong san ta, a isansuakhai a hong hruaihaia. A irtan saihai an fâhai ta,” tiin.

¹²RENGPA irtanhai chu, “Nam irthiang,” ti an ta. Nang khom, “RENGPA zong suak, khopui mâksan thei loi,” nang ti an ti.