Read Hrangkhol LEVI DÂN 15 Bible Online

LEVI DÂN 15 - Hrangkhol bible

LEVI DÂN 15

¹RENGPA’N Mosia le Arona kuang,

²“Israel mihai chu hril roi; pasal tukhom, an ser ata thil suak a omin chu a porinche a ni.

³A suak irzôm mai mani, a mong nôk lat khom ni sian, a porinche tâka, hianga tho hrang a ni.

⁴Khaang mi zâlhmun le a toina kâi kaiin chu a porinche a ni.

⁵A zâlhmun tôntu khom, a toinaa toi khom khan an sil le kai irsu an ti, tui an irsil hrang a ni; khohloi dênin porinche an ti.

⁷An takpum tôntu khomin a puandiar irsu a ti, tui a irsil hrang a ni, khohloi dênin porinche a ti.

⁸Kha mi khan mi porinche ni loi inchil sianlân, a inchiltu kha porinche sa a ta, a sil le kai irsu a ta, tui a irsil hrang a ni; khohloi dênin porinche a ti.

⁹Kha mi chuangna sakor chunga chuang chu porinche a ta,

¹⁰a itoi phâna tôntu khom khohloi dênin porinche a ta; kha thil chôi sontu khom khan a silkai irsu a ta, tui a irsil hrang a ni, khohloi dênin porinche a ti.

¹¹Thil suak neitu khan kut irsu loiin mi dang a tônin chu, a itôntu khan a sil le kai irsu a ta, tui a irsil hrang a ni, khohloi dênin porinche a ti.

¹²Pilbêla itôn chu inkhoipai hrang a ni, thing khêng rêk chu sataka irsu hrang a ni.

¹³A thil suak irveitu kha a hong dama irthokin a’rthiang nôkna hrangin sûn sari nghâk a ta, a sil le kai irsu a ta, vadung luang laia a irsil hrang a ni; khanchu, hong irthiang thei a ti.

¹⁴A sûn riat ni’n chu vasu inhni mani, phervali te mani RENGPA makunga irtongna puan in mikota hong chôi a ta, ochai pe a ti.

¹⁵Inkhat chu sual irbôlna thilinhlana, inkhat chu hâlirvôm thilinhlana, inhlan pe a ta, khaang khan a porinchena kha lei irthiangtir a ti.

¹⁶Pasal chu a chi a tâk ringotin chu a irsil hrang a ni, khohloi dênin porinche a ti.

¹⁷A chi tâkna puan mani, savun mani, thil siam tâk ka chu irsu ngêt hrang a ni, khohloi dênin porinche an ti.

¹⁸Khan, nupang a zâlpui khomin an inhni’n an irsil hrang a ni, khohloi dênin porinche an ti.

¹⁹Nupang, thinei chu, sûn sari sûng porinche a ti. Ama tôn ka kaiin khohloi dênin porinche an ti.

²⁰A thi nei laia a toinahai, a zâlnahai kha a porinche zit a ni.

²¹A zâlna mani, a toina mani tôntu chu a silkai irsu a ta, a irsil hrang a ni, khohloi dênin porinche a ti.

²³A zâlna mani, a toina mani rêng rêng tôntu chu khohloi dênin a porinche a ni.

²⁴Nupang thinei laia zâlpuitu chu a porinchena kha a kâi saa, sûn sari sûng porinche a ti, a zâlhmun khom porinche a ti.

²⁵Nupang chu a thinei zoro ni loia, a thi suak mani, a thinei ngai sûng nêka sôt mani, thi a neiin chu, a thi a suak sûng chu a porinche a ni.

²⁶A thi suak sûnga a zâlna le toina kha a porinche a ni, a thinei lai zoro anga khan.

²⁷Kha tôntu khan a sil le kai irsu a ta, a irsil hrang a ni, khohloi dênin porinche a ti.

²⁸A thi suak kha a mong tika chu sûn sari sûng nghâk a ta, hong irthiang ta a ti.

²⁹A sûn riat nia vasu inhni mani, phervali inhni mani chongkhômna puan in mikota ochai kuang hong chôi a ta,

³⁰ochai khan inkhat kha sual irbôlna thilinhlana, inkhat kha hâlirvôm thilinhlana inhlan pe a ta, RENGPA makunga irthâr irthiangna kha tho pe a ti.

³¹Israel mipuihai porinche loiin an irkêm hrang a ni, irtongna puan in bul zela om an nia, hong porinche lik nihai, ti an ti.

³²Hi hi pasal, a sera thil suak nei mani, a chi thâkin mani,

³³nupang khom a tha tin thinei le a porinche laia pôltu chungchâng tho lam hrang chu a ni.