Read Hrangkhol LEVI DÂN 3 Bible Online

LEVI DÂN 3 - Hrangkhol bible

LEVI DÂN 3

¹Irpôlkhôm thilinhlan hrang mi’n an sa vâi laia a hong inhlanin chu a chal mani, a pui mani hmêlveiloi, RENGPA makunga a hong inhlan hrang a ni.

²A sa inhlan lu chunga a kut irnghat a ta, irtongna puan in tual lûtna mikot kôla that a ta, ochaiin a thisen kha maichâm a inzung irkual suak hrang a ni.

³Irpôlkhôm thilinhlan ata kha RENGPA hrangin hihai hi inhlan hrang a ni: a rîl le a thâi murdi,

⁴a bêhai le a thâi, a mithin hlap sa lai tak

⁵kha ochaiin maichâma hâlirvôm thilinhlan dang a hâl laiin a ihâlirvôm hrang a ni; kha kha RENGPA nuamlam tak a ni.

⁶Irpôlkhôm thilinhlan hrang mi’n a belra mani, a kêl laia mani a hong inhlanin chu a pui khom, a chal khom, hmelveiloi a inhlan hrang a ni.

⁷Belra a hong inhlanin chu

⁸a lua a kut irnghat a ta, irtongna puan in mikota RENGPA makunga a ithat hrang a ni; ochaiin chu a thisen kha maichâma inthek irkual suakpui hrang a ni.

⁹Irpôlkhômhai thilinhlan ata kha RENGPA hrangin hihai hi a inhlan hrang a ni: a’rmei thâi, a bulrêta tan, a rîl thâi murdi,

¹⁰a bêhai leh a thâi, a mithin a sa lai tak,

¹¹kha kha ochaiin maichâma RENGPA kuang pêk hrang thilinhlana a ihâlirvôm hrang a ni.

¹²RENGPA kuanga a thilinhlan kha kêl a ni’n chu,

¹³a lua a kut irnghat a ta, irbiakna in mikota that a ta, a thisen kha ochaiin maichâma a inthek irkual suak hrang a ni.

¹⁴Hi hi fâk hrang thilinhlan hrangin RENGPA kuang a inhlan hrang a ni, a rîl thâi murdi

¹⁵a bêhai le a thâi hlap, a mithin hlap sa lai tak.

¹⁶Hi hi fâk hrang, thilinhlan hrangin ochai khan maichâma RENGPA lei lôm hrangin a ihâlirvôm hrang a ni. A thâi murdi hi RENGPA ta hrang a ni.

¹⁷Israel mi tukhomin sa thâi le thisen an ifâk hrang ni ma. Israel mihai kha khoa khom omhai sian hi dân hi an izôm kumkhua hrang a ni.