Read Hrangkhol JEREMIA 45 Bible Online

JEREMIA 45 - Hrangkhol bible

JEREMIA 45

¹Josia nâipa Jehoiakima, Judai rama an lal kum minlina khan, Neria nâipa Baruka’n Jeremia kuanga thu zuang tung kha, lekhabua a’rziak suaka, kha lai taka khan Jeremia’n a kuang hiang hin a tia:

²RENGPA Israelhai Pathianin a ti, “Baruka,

³nangma’n ‘Ki chung a rik vang na! fiana ki itonghai chunga RENGPA’N beidongna a ni zuang bôk pe nôka. Lungzîng takin kin runga, sôl irngamna zel hmu thei ta ma ung!’ ni tia.

⁴“Khanchu irngai ro, irnêng pumpuia ki lei isiam inding tâk kha insimtir nôk ki ta, ki lei iphun tâk kha ki iphâipai hrang a ni.

⁵Ni ta hrang bîka enkol insatna hrang ni ingaitua ma ni? Ngaitua no roh. Mi tin chunga siat chitna intungtir ki ti, khan khom nangma’n chu ni hringna kai chu kho hmuna ni fe khomin, inzôk ni ti. Keima RENGPA’N ki iti a ni,” tiin.