Read Hrangkhol EZEKIELA 9 Bible Online

EZEKIELA 9 - Hrangkhol bible

EZEKIELA 9

¹Khan, irhâi inring takin ki mikuara a hong khêka, “Khopui enkoltuhai chu koi khôm ro, mi thatna hrang hriamhrei hong chôi ri sehai,” a tia.

²Khan, irngai ta, hmâr tianga om, dâi mikot inchung tak ata mi kiruk an honga, mi tinin mi thatna hriamhrei chu an chôi chita; khan, an laia mi inkhat puan irnêm sil khan, a konga lekha irziakna pentui a chôia. Khan, anni chu an va lûta, dârsen maichâm bula khan an ngîr tâka.

³Khan, Israel Pathian roiinpuina chu, a omna hmuna irthok khan mikot inkhâr kôla khan a hong fea; khatak khan mi puan irnêm sil, a konga lekha irziakna pentui neitu chu a koi tâka.

⁴Khan, RENGPA’N a kuang, “Khopui chu irfangin lân, Jerusalem chu irfangsuak ro; a sûnga thil porinche an thoa poi tia chap tâkhai chu an michala irsinsiana sia ro,” a tia.

⁵Ki mikuar inhriata, mi dang kuanga khom, “Ama hnung khan khopui chu irfangin lân, va thathai ro; irhmâi viat loiin, inrenna khom nei loiin.

⁶Putarhai, ruatharhai, dôngmatehai, nâipangtehai, nupanghai chu that fâi zit ro; aniachu mi a michala irsinsiana om chu inzôk unglân; ki tempil rengata mi thatna irphût roi,” tiin. Khanchu biak in sûnga om upahai chu an that irphut tâka.

⁷Khan an kuang, “In chu porinchetir unglân tuallaihai chu mithi ruak insip ro; fe ta ro,” a tia, khan an fea, khopuia khan an that tâka.

⁸Khan, mi an that lai khan, keima chu ki binga mâksanin ki oma, ki hmâi hnuai sikin kin bokhrupa, ki khêka, “O, RENGPA PATHIAN! Jerusalem chunga ni ninginmurna ni insuma hin Israel la om sunhai murdi hi ni ithathai zit hrang ma ni?” ki tia.

⁹Khanchu ama’n ki kuang, “Israel le Juda in sûngkuahai sualna chu a sân a lûminna tak taka, ram chu thisenin a sipa, khopui sûng chu roirêlna uksak loina’n a sipa, RENGPA’N ram chu a mâksan ta, RENGPA’N ite hmu ta ma, an tia.

¹⁰Kei khomin irhmâi no ning, inrenhai viat no ning; an sintho ang takin thuanhai ki ti,” a tia.

¹¹Khan, irngai ta, puan irnêm sila lekha irziakna pentui chôitu khan thu chu a hong hrila, “Thu ni ni ipêk angin ki tho zoi tâk,” a tia.