Read Hrangkhol HOSEA 11 Bible Online

HOSEA 11 - Hrangkhol bible

HOSEA 11

¹Israel nam kha a nâiinpang lai ata lung ki thunga, Aigupta ram ata ki nâipa hrangin ki ikoisuak a ni.

²Ki koi lia an ni hla liaa, Baalhai kuang an irbôl uala, Millim siam chophai kuang mirimhoi an ihâl a ni.

³Keima rêkin chu Efraima kha ki kuta kalchôi dân ki’rchûtira, anni kha ki inthotir a nih ti rêk chu inhre mahai.

⁴Mihriam hruihrual, lungkhamna hruihai khan anni kha ki kaia; an ta hrang khan an irkama kol inhlitirtuhai ang kha ki nia, indot takin an makunga fâk hrang ki dônhaia.

⁵Khannisian an irlet nuam no sikin, Aigupta rama tîr nôk ki ti, Assuria kha an rêng ni a ti.

⁶A khopuihai khan khandai irlektir a ta, a kulhai kha ar hmangtira, inboipai a ta, anni thu lei irdon sik ngêtin.

⁷Ki mihai khan nir heisan an tum maia, an ringkol riktak sikin, anchungtaka insam an ta, khannisian tûte’n indom irsâng pe no nihai.

⁸O Efraima itin mo nang ki inthapai thei hrang? O Israel, itin mo nang ki intha thei hrang? Itin mo Adama angin nang ki isiam thei hrang? Itin mo Zeboim angin nang ki inomtir thei hrang? Ki sûnga ki milung a’rleta! ki lungkhamnahai kha a sêm irvâm lik tâka?

⁹Ki ningmurna irkhêltak kha sua no ninga, Efraima kha irhmangtir tum nôk ta no ning. Keima chu mihriam ni loiin, Pathian ki nia, Nangmaa om mi irthiang kha, khopui kha hong lût khum no ning.

¹⁰RENGPA kha zui an ta, kâmkeibaknei anga inrûm hrang chu: a ni, inrûm ngêt a ta, nitâk tianga irthokin a nâihai chu keima tiang inrang takin hong an ti.

¹¹Aigupta irthokin chongzong angin, Assuria irthok khan vasu angin mitha zâp lop lopin hong an ti: khan, an in lum inluatir ki ta, ti hi RENGPA thusuak a ni.

¹²Efraima khan milak thu’n a nir hual vêla, Israel sûnghai khan huangna’n; Juda khomin Pathian tiang ngaisak maka, mi irthiang chunga khan iam a iom loi a ni.