Read Hrangkhol HOSEA 14 Bible Online

HOSEA 14 - Hrangkhol bible

HOSEA 14

¹O Israel, RENGPA ni Pathian tiang khan kîr nôk ro, ni pualoina sika ngei ni itûk tâk a ni.

²RENGPA kuanga khan kîr nôk unglân, a kuanga khan hiang hin insîr ro: a tho’nsualna murdi kha la paiin lan a sa ka kai kha pom ro; khanchu ei hmûr rahai kha sehrât chalpa irthûlin ki hong inhlan e.

³Assuria khan ni saninhring no nia, sakor chuanghaia chuang no ning; kin kut suakhai kuanga khan, kin Pathian nin ni e, ti ual ta no ni ung. Farahai khan nangmaa hin lungkhamna an hong ihmu ngai a nia.

⁴An hnungtôlna hi indam ki ta, Anni ata ki ninginmurna kha ar kiang tâk sikin, anni kha lung ki ithung hrang rêng rêng a ni.

⁵Israel hrang khan irdorfîm ang ni ki ta, ama kha lili angin sa a ta, Lebanon tâng thing irzung angin a’rzung thâk irzar a ta.

⁶A zarhai kha inbûk ngêt an ta, a satzia kha Oliv thing ang dên ni a ta, Lebanon tâng angin a mirim hoi a ti.

⁷A’rhlîma lênghai kha hong kîr an ta, bu angin hong hring thar an ta, grep hrui angin hong irnoi a ta. Lebanon Uain angin an irhming inthang a ti.

⁸Efraima khan millimhai le irnâina imo a inei ta hrang? kei hi a chongchaina sâmtu ki nia, a indingtir hrangtu khom ki ni. Kei meisâr thing hring mur ang ki nia, Ni ra sahai kha keima ata a ni.

⁹Tu mo vâra hihai hi inhre thiam thei hrang; tu mo fing vâra inhre thei hrang? RENGPA lampuihai kha a dika, mi dikhai khan an izui hrang a nia; tho’nchâituhai rêk chu kha khan an irfûiin an itûk hrang a ni.