Read Hrangkhol HOSEA 6 Bible Online

HOSEA 6 - Hrangkhol bible

HOSEA 6

¹Thoi, RENGPA kuanga khan kîr ta ei ti; a ni lei inpopchit tâk nâkin, a ni indamtir nôk hrang a ni, a ni lei zêm tâka chu, a ni ituam nôk hrang a ni.

²Sûn hni tena nin hringtir a ta; sûn thum nia ni kaithoi a ta, a makunga om ei ti.

³RENGPA inhriatna kha irzûl mai ei ti duah, inhria ei ti. Zîng anga irkhêl loiin a hong pûtsuak ngêt ngai a ni; ei kuang rua angin, rua hnungkhôn, irnêng induitu ang dênin zuang tung a ti.

⁴O Efraima, itin mo nang ki ilô hrang? O Juda, itin mo nang ki ilô hrang? ni lungthungna kha zîng sûmphâi angin, inrang taka irdo irhmang nôk angin a ni.

⁵Khasikin, deipuhai hmangin anni kha nôia; ki bâia thuhaiin anni kha ki ithat a ni. Ni chunga roirêlnahai kha vâr fe suak zut zut ang a ni.

⁶Irbôlna nuam loiin lungkhamna ki nuam a ni; hâlirvôm thil inhlanhai nêkin Pathian inhriatna ki nuam ual a ni.

⁷Khannisianlân, Adama angin thuthung kha an tho’nsuala, khataka khan vâr irlet takin ki chunga an itho a ni.

⁸Gilead kha tho’nsualna tho tuhai khopui a nia, thisen a kop mer mur a ni.

⁹Hrâtlâksong pâlin mi an irdîp ngai angin ochai pôlhai khan Sekem lampuia mi an that ngai a ni, thil sual an tho tâk a ni.

¹⁰Israel sûngkuaa khan thil irkhêl tak ki hmu, Efraima khan nôtizuarna a oma, Israel kha porinchetirin a iom a ni.

¹¹Ki mihai sal intângnaa irthokin ki hruai kîrhai tika chu, o Juda, ni ta hrang khoma ra ât hrang inkung a ni.