Read Hrangkhol NAMBAR 17 Bible Online

NAMBAR 17 - Hrangkhol bible

NAMBAR 17

¹Khanchu RENGPA’N Mosia a chongpuia,

²“Israel irchihai inhrilin lân, khianghrol sômhleihni nang pehai sianlân, nam hruaitu tinin inkhat seng nang pe an ta, khianghrol tina khan an irhming irziak ro;

³Levi khianghrola khan Arona irhming irziakin lân, nam tina hruaituhaiin khianghrol inkhat seng nei an ti.

⁴Khanchu nang ki ichongpuina irtongna Biakbuk, thu inhriattirna, maton tiang khan sehai roh.

⁵Khanchu mi ki inthang hrangtu khianghrol kha chu hon cher suak a ta, khanchu Israel irchihai chiarna, ni chunga an chiarna hi inboitirpai ki ti,” a tia.

⁶Khanchu Mosia’n Israel irchihai chu chongpuihai a ta, khanchu nam tina hruaituhaiin khianghrol inkhat seng an pêka, an rêngin khianghrol sômhleihni a ni. Arona khianghrol khom kha an khianghrolhai laia khan a om sa.

⁷Khanchu Mosia’n thu inhriattirna puan ina khan RENGPA makunga khianghrolhai kha a siaa.

⁸Khan zîng nôka chu Mosia kha thu inhriattirna puan ina khan a fea, irngai ro, Levi panama khianghrol chu a hon cher suak kha a hmu’n chu a para almond angin a raa.

⁹Mosia’n RENGPA makung rengata khianghrol murdi chu Israelhai kuang a chôia, an lei ena, an khianghrol seng an lâka.

¹⁰Khanchu RENGPA’N Mosia kuang, “Arona khianghrol kha thu inhriattirna maton tiang khan se nôk ro, kha kha Israel tehelzong nuamhai ta hranga irsinsiana chu ni a ta, an chiarnahai hi an mong noa ni’n chu, thi ving an ti,” a tia.

¹¹RENGPA’N thu a ipêk lam ang takin Mosia’n a tho tâka.

¹²Khanchu Israel irchihaiin Mosia kuang, “Irngai ro, a’rhmang kin ni ta hi, kin siat zoia kin siat zoi ving ta;

¹³RENGPA Biakbuk nâituhai kai chu an thi hranga a lei ni’n te, kin irhmang ving hrang ni a ti?,” an tia.