Read Hrangkhol NAMBAR 33 Bible Online

NAMBAR 33 - Hrangkhol bible

NAMBAR 33

¹Mosia le Arona hruaina hnuaia Aigupta ram ata a papâlin suaka an ife lam chu hiang hin a ni.

²RENGPA thupêkin Mosia’n riakbuk an ikhuarna murdi irhming chu a’rziaka.

³Israel mipuihai chu tha khatna, sûn sômhleiringa nî khan Ramases ata an suaka,

⁴Ferkân kût nî khan Aigupta mihai mithmua, an nâilutîr murdi RENGPA’N a ithat pehai kha an phûm laiin Israel irchihai chu irkhêl takin an suaka. RENGPA’N an pathianhai khom a hrem pehaia.

⁵Khan Israel irchihai chu Ramases ata kha an suaka, Sukoth-ah khan omhmun an khuar tâka.

⁶Khan Sukoth ata kha an suak nôka, ramchâr kôl Etham-ah khan omhmun an khuar nôka.

⁷Khan Etham ata kha an suaka, Baal-Zefon nisua tiang Pi-hahiroth tiang an kîr nôka, Migdol kôla omhmun an khuara.

⁸Khan Pi-hahiroth ata kha an suaka, Tuipuisen hroin Etham ramchâra sûn thum an fea, Mara hmuna omhmun an khuara.

⁹Khatak ata kha Elimah an fe, khataka khan tuihnâr sômhleihni le tûm kung sômsari a oma, kha khan omhmun an khuara.

¹⁰Elim mâksanin Tuipuisen kôla omhmun an khuara.

¹¹Khan Sin ramchâra omhmun an khuar nôka.

¹²Khan Dophkah hmuna omhmun an khuar nôka,

¹³kha zoiin Alus hmuna an om nôka.

¹⁴Khataka khan tui in hrang om loina, Refidim-ah irpuk an siama.

¹⁵Khan, Refidim ata kha an suaka, Sinai ramchâra omhmun an khuara.

¹⁶Sinai ramchâra irthokin an suaka, Kirot-hatava-ah omhmun an khuara.

¹⁷Kirot-hava-ah irthokin an suaka, Hazerot-ah omhmun an khuara.

¹⁸Hazerot-ah irthokin an suaka, Ritma-ah khan omhmun an khuara.

¹⁹Ritma-ah irthokin an suaka, Rimon-perez-ah khan omhmun an khuara.

²⁰Rimon-perez-ah irthokin an suaka, Libna-ah omhmun an khuara.

²¹Libna-ah irthokin an suaka, Risa-ah omhmun an khuara.

²²Risa-ah irthokin an suaka, Kehelatha-ah omhmun an khuara.

²³Kehelatha-ah irthokin an suaka, Sefer tânga omhmun an khuara.

²⁴Khan, Sefer tânga irthokin an suaka, Harada-ah omhmun an khuara.

²⁵Harada-ah irthokin an suaka, Makheloth-ah omhmun an khuara.

²⁶Makheloth-ah irthokin an suaka, Tahat-ah khan omhmun an khuara.

²⁷Tahat-ah irthokin an suaka, Tera-ah khan omhmun an khuara.

²⁸Tera-ah irthokin an suaka, Mithka-ah omhmun an khuara.

²⁹Mithka-ah irthokin an suaka, Hasmona-ah khan omhmun an khuara.

³⁰Hasmona-ah irthokin an suaka, Moseroth-ah omhmun an khuara.

³¹Moseroth-ah irthokin an suaka, Bene-jaakan-ah omhmun an khuara.

³²Bene-jaakan-ah irthokin an suaka, Hor-hagidgad-ah omhmun an khuara.

³³Hor-hagidgad-ah irthokin an suaka, Jothbatha-ah omhmun an khuara.

³⁴Jothbatha-ah irthokin an suaka, Abrona-ah omhmun an khuara.

³⁵Abrona-ah irthokin an suaka, Ezion-geber-ah omhmun an khuara.

³⁶Ezion-geber-ah irthokin an suaka, Zin ramchâra omhmun an khuara, kha kha Kades an ti sa.

³⁷Kades-ah irthokin an suaka, Edom ram dep Hor tânga omhmun an khuara.

³⁸Khan, ochai Arona khan RENGPA thupêkin Hor tânga khan a hong fea, Israel irchihai Aigupta rama irthoka an hong suak kum sômminli tha ringana, sûn khat nîin khataka khan a thi tâka.

³⁹Khanchu, Arona kha Hor tânga a thia khan kum irzakhat sômhni inthum a ni.

⁴⁰Khan Kanaan sim tianga Arad rêngin Israelhai an hong ti a len hriata.

⁴¹Khan, Israelhaiin Hor tâng ata kha an suaka, Zalmon-ah omhmun an khuara.

⁴²Zalmon-ah irthokin an suaka, Punon-ah khan omhmun an khuara.

⁴³Punon-ah irthokin an suaka, Oboth-ah khan omhmun an khuara.

⁴⁴Oboth-ah irthokin an suaka, Moab ram dep Ije-abarima khan omhmun an khuara.

⁴⁵Ijima irthokin an suaka, Dibon-gada khan omhmun an khuara.

⁴⁶Dibon-gada irthokin an suaka, Almon-diblathaim-ah khan omhmun an khuara.

⁴⁷Almon-diblathaim-ah irthokin an suaka, Nebo kôla Abarim tânghaia khan omhmun an khuara.

⁴⁸Abarim tânghaia irthokin an suaka, Jeriko irdîn Jordan ivapang, Moab phâia omhmun an khuara.

⁴⁹Jordan vapang, Bethjesimoth-a irthokin Abel-sitim dênin Moab phâia omhmun an khuara.

⁵⁰Khan, Jeriko irdîn Jordan ivapang, Moab phâizôla RENGPA’N Mosia a chongpuia,

⁵¹“Israel irchihai kha hrilhaiin lân, an kuang, Jordan tuidung nin kâia,

⁵²Kanaan ram nin lût tika chu kha rama om murdihai chu inhnotsuakhai ving an ti, lung leh thîra millim an isiamhai le an irbôlnahai insiatpai pehai hrang a ni.

⁵³Khanchu kha ram kha lua nin ta, khataka khan om nin ti, keiin kha ram kha nangni ki pêk sikin.

⁵⁴Khan kha ram kha panam tinhai laia tasânin sem nin ta, panam tam ualhai chu a tam ual pehai nin ta, a tôm ualhai chu a chîn ual pehai nin ti.

⁵⁵Khannisian kha rama omhai kha nin irzûlpaihai noa ni’n chu, nin mita hranga minim le nin panga hrangin ilhling ang ni an ti: nin omna ram khan nin milung lan zîngtir a ti.

⁵⁶Khanchu hiang hi hong ni a ti, an chunga tho ki inuam chu nin chunga tho ki tih ti ro,” tiin.