Read Hrangkhol NAMBAR 36 Bible Online

NAMBAR 36 - Hrangkhol bible

NAMBAR 36

¹Khan Gilead irchi panama a luhai, Makira nâihai, Manasea tuhai, Josefa irchi laia mi chu Mosia le Israel irchi hruaituhai makunga an honga, an kuang,

²“RENGPA’N ram hi Israel irchihai kuang tasâna sem hrangin nang a hrila, khabana, kin sûngsuakpa Zelofehada irchon khom a nâinupanghai kuanga pe hrangin nang a hril saa.

³Khannisian panam danga mi le an ilua a ni’n chu, an irchon chu kha panamhai ta hong ni ta a ta, kin ram ata kha inhnotpaiin om an ti.

⁴Khan Jubili kum a hong tunga irchon zuara lei om tâk chu, a chongpu kuanga inkhîr nôk nî a hong tung tena khom, Zelofehada nâinupanghai irchon an va ilua panam mihai ta hong ni ta a ta; kin pi le puhai ram ata inhnotin om ta an ti,” an tia.

⁵Mosia’n RENGPA thupêk angin Israelhai thu a pêkhaia, “Manasea irchihai thuhril hi a dik a ni,

⁶Zelofehada nâinupanghai chungchâng thua RENGPA thupêk chu hiang hin a ni: a sa an iti ang chu an lua theia, khannisian an pahai panam chanpui laia mi ngêt an ini hrang a ni. tiin.

⁷Khanchu Israel irchihai ram chu panam danghai kuanga sonpai ni no nia, Israel irchihai hin an pi le puhai ram chu an inei mai hrang kêng.

⁸Israel irchihai laia nupang irchon luatuhai kaiin chu an panamhai laia mi ngêt an ilua hrang a ni. Khaang khan Israel mi tinin an pi le puhai irchon lua an ta.

⁹Khanchu ram chu panam danghai kuang hong son va sonin om no ni. Panam tinin an ram chit chu an ilua hrang a ni,” a tia.

¹⁰Khan RENGPA’N Mosia thu a ipêk ang lam takin Zelofehada nâinupanghaiin an thoa, Malaii, Tirzaii, Hoglaii, Milkaii le Novaii haiin an pa urêngpa nâipasalhai chu an luahai tâka.

¹²Josefa nâipa Manasea irchihai chu an luaa, an ram chu an panam sûng chita a om mai tâka.

¹³Hihai hi RENGPA’N Mosia hmanga dân le thupêk Israel irchihai kuanga Jeriko irdîna Jordan râla Moab phâizôla a ipêkhai chu a ni.