Read Hrangkhol MALAKIA 4 Bible Online

MALAKIA 4 - Hrangkhol bible

MALAKIA 4

¹Irngai u ta, nikhua a zuang tung e, hâl inzôina mei angin a kâng a ni; mi lârirpâk murdihai le sual thotu murdihai kha fapôl ni an ta: kha nikhua zuang tung khan anni kha kâng a ti; a’rzung le a ôn dênin hôi no ni, Sipaihai RENGPA’N a ti.

²Khannisian, nangni ki’rhming chituhai chunga rêk chu felna misa hong suak a ta, a thal chu damna ni a ta, sehrâtte insua angin râifân takin irchôm nin ti.

³Khan mi pualoi kha sirbe ta nin ta; nikhua ki isiam ngêt hrang nia chu nin kezapha hnuaia khan vâiphin ang dênin an ini ta hrang a ni, sipaihai RENGPA khan a ti.

⁴“Israelhai murdi ta hranga Horeb tânga ki ipêk, roirêlna le thu’nkunghai, ki siahlo Mosia dân kha inhre mai roi.

⁵Irngai u ta, RENGPA zuangna nikhua ichiom tak le irkhêl tak makunga khan deipu Elija kha nangni zuang tîr pe ki ti.

⁶Ama khan pahai lungrîl kha nâihai lungrîl tiang irnghattir a ta, nâihai lungrîl kha an pahai tiang; khano’nchu ki zuang hin ram kha khuasâlin zuang hremna lik ki ti”, tiin.