Read Hrangkhol DÂN INHNINA 18 Bible Online

DÂN INHNINA 18 - Hrangkhol bible

DÂN INHNINA 18

¹Israelhai laia Levia irchi, ochaihai khan ram dongtum an inei hrang ni ma, RENGPA kuanga thilinhlan hâl mihlia kha dong an ta, kha kha an dongtum hrang chu a ni.

²Nam dangin ram dongtum an inei angin an inei hrang ni ma, RENGPA inkung angin thil inhlan kha an dongtum hrang chu a ni.

³Sehrât mani, belra mani mi’n RENGPA kuanga an inhlan ka kai a dâr hai, a’rkam kianghnihai le a sûngkuahai kha ochai dongtum hrang a ni.

⁴Nin bu thar masa le nin uain ep masahai le nin oliv hriak in-ôt suak masa takhai kha ochai nin ipêk hrang a ni; nin belra mul ep masa tak khom pe ngai roi.

⁵RENGPA nin Pathian khan nin lai ata anni hi an irchi thiaihai le a makunga ngîra, a sintho hrangin kumkhua hranga inkung a ni.

⁶A nuam photin chu Levia irchi rêng rêng chu, kho khua ata khomin RENGPA hmun inkunga khan hong thei a ti.

⁷Kha khan Levia irchi mi danghai ang dênin RENGPA a Pathian sin kha tho thei a ti.

⁸Ochai danghai idong ang fâk hrang kha a idong zit hrang a ni, ama in sûng mihaiin thilinhlan hong ithon rêk chu dôn sa thei a ti.

⁹RENGPA nin Pathianin nangni a ipêk ram nin hong tung tika, khataka lei omhai thil porinche tho ang kha tho ngai no roi.

¹⁰Nin laia tukhomin maichâma hâlirvôm hrangin nin nâihai nin inhlan sa hrang ni ma; kutzia en hai, tasân hai, pânzia en hai, dôi hai,

¹¹kêl irmei irhli hai ang mani, ramkhohri ikop hmang hai, irtha saloi ikop hai, mithi irtha songhai uar no roi.

¹²Khaang tho uarhai chu RENGPA ikhôkmâk lam tak an ni; khasika khan kêng RENGPA nin Pathianin hi thil porinche tho uarhai hi nin matona a inhnotsuak a ni.

¹³RENGPA nin Pathian makunga khan hi thil porinche ata hi nin irkiang zit hrang a ni.

¹⁴Hi nam, nin ilûtkhum hranghai hin tasân an uara, ramkhohri ikop thu an irngai ngai; nangni chu RENGPA nin Pathianin khaang nin itho chu phal ma.

¹⁵Nin laia mi, keima ang, deipu nangni pe a ta, ama thu kha nin izôm hrang a ni.

¹⁶Horeb tâng kôla nin pungkhôm nî khan RENGPA nin Pathian makunga, ‘RENGPA ei Pathian irhâi kha inhre ta no inlân, ei ithi chian hrang a ni,’ tiin nin ngêna.

¹⁷RENGPA khan ki kuang, ‘An insîr chu a dik,

¹⁸an laia mi ngêt deipu nangni inkung pe ki ta, an kuang insîr hrang hril ki ta, ki thupêk ang kha nangni hril irzôt a ti.

¹⁹Ki’rhminga thu’nsîr irngai nuam loi ka kai chu keima’n a chungthu ngaitua ki ti.

²⁰Ki thupêk ang chi ni loi, ki’rhminga thu’nsîrtu deipu chu thatpai hrang a ni.

²¹‘RENGPA insîr a ni le ni loi itin mo ei inhriat hrang?’ nin ti’n chu, hiang hin a thiarthâk dân hrang chu a ni.

²²Deipuhaiin RENGPA irhminga thu insîr loi chu hong tung maka, a dik no’n chu, kha kha RENGPA irhminga insîr ni no ni, ama nuam thua insîr a ni, chi no roi.