Read Hrangkhol JOSUA 12 Bible Online

JOSUA 12 - Hrangkhol bible

JOSUA 12

¹Jordan nisua tiang Arnon vadung ata Hermon tâng dênin Jordan dung irhôr ramhai chu Israelhaiin an inhnêa, ram chu anni’n an neipai pehai ta.

²Amor mi Hesbon rêng Sihona le Basan rêng Oga an inhnea. Sihona ramin Gilead ram chimrip a ihuap a ni; Arnon dung irhôr irkua Aroer khua le Arnon vadung kôla khua rengata Jabok vadung a dêna, kha kha Amon mihai leh an ramrina a ni.

³An rama khan Jordan dung nisua tiang, Galili dîl ata thang tiang vadung phâi murdi, Beth-Jesimot, Tuipui Thi nisua tiang Pisga dênin a huap sa.

⁴Basan rêng Oga chu milian, Refaim an ti, la dam omsun laia mi a ni, Astarot le Edrei khuaa rêng a ni.

⁵A ramin Hermon tânghai, Seleka hai le Basan ram murdi, Gezer le Maaka ramri ten a huapa; Gilead ram chimrip le Hesbon rêng Sihona ramri dênin a huap sa.

⁶Hi rêng inhnihai hi Mosia le Israelhaiin an inhnêa, RENGPA siahlo Mosia’n Reubena irchi le Gada irchihai le Manasea irchi chimriphai kuang an ram irchon hrangin a pêka.

⁷Sak tiang Baal-gad Lebanon irhôra om le thang tiang Seir tâng bula Halak tâng kâra ram murdi, Jordan dung nitâk tianga om le an rênghai chu Josua le Israelhaiin an inhnêa. Kha ramhai kha Josua’n Israel namhai kuanga kumtuanga an ram irchon hrangin a sema.

⁸Hi ramhai ihuap chu: tâng ramhai, nitâk tianga tâng mualhai, Jordan vadung irhôrhai le a tâng phâizôlhai, kha ram nisua tianga tânghai le Negeb ramchâr hai. Kha rama lei omhai chu Hiv mihai le Jebus mihai an ni.

⁹Israelhaiin rênghai an inhnêna khuahai chu hi hi an ni: Jeriko khua rêng, bethel khua kôla Ai khua rêng,

¹⁰Jerusalem rêng, Hebron rêng;

¹¹Jarmuth rêng, Lakis rêng;

¹²Eglon rêng, Gezer rêng;

¹³Debir rêng, Geder rêng;

¹⁴Horma rêng, Arad rêng;

¹⁵Libna rêng, Adulam rêng;

¹⁶Makeda rêng, Bethel rêng;

¹⁷Tapua rêng, Hefer rêng;

¹⁸Afek rêng, Saron rêng;

¹⁹Madon rêng, Hazor rêng;

²⁰Simron-meron rêng, Aksaf rêng;

²¹Taanak rêng, Megido rêng;

²²Kades rêng, Karmel tânga Jokneam rêng;

²³Mediteranean tuipui kôla Dor rêng, Gilgal-a Goim rêng le

²⁴Tirza rêng. An rêng that murdi chu anrêngin sômthum inkhat an ni.