Read Hrangkhol 1 TIMOTHEA toc2 1 TIMOTHEA 2 Bible Online

1 TIMOTHEA toc2 1 TIMOTHEA 2 - Hrangkhol bible

1 TIMOTHEA toc2 1 TIMOTHEA 2

¹Nang ki ibe nuam masa tak chu thil zongna hai, chongchaina hai, ngên pena hai, lômthu hrilna hai, mi murdi hrangin nei unglân,

²Pathian ngaisak le mahripa omin irtharngam taka ei om suam theina hrangin inlaltak le irchamneitu murdihai hrangin zong pe sa roi.

³Kha kha a ni saninhringtu Pathian hmuin a saa, a inuamlam a ni.

⁴Ama khan mi murdi saninhringa om le thutak inhriat hrangin a inuam a ni.

⁵Pathian inkhat vai a oma, Pathian le mihriam kâra palai inkhat vai a om sa, Ama kha mihriam Krista Jisua chu.

⁶Mi murdi irtanna hrangin ama kha ar pêka, saninhringna thu chu a zoro a iti taka a zuang inpuang ta.

⁷Keima hi, Jentailhai kuang chu iamna thu kha inpuang hrang le thutak irchutirtu le tirtôn hranga inkung ki ni; thutak ki insîr a ni, milak insîr ma ung.

⁸Khanchu, nin inkhômna kipa pasalhaiin chu tho ta takin, ningmur le lunghla puma tho loiin kut irthiang pharin chongchai ri sehai.

⁹Nupang khom a satak le ar hoi tôkin irvôhai sianlân, rêlirlek taka sam irvo mani, rângachaka irvo mani, lunghlu irthei irhli mani, puan man tam irbel mani uar no ri sehai.

¹⁰Pathian ngaisak nupanghai tho irhoi, thil sa tho’n irbel ual ri sehai.

¹¹Nupanghaiin chu dâihrekin, thu ôi takin thil an irchu hrang a ni.

¹²Nupangin mi an irchutir mani, pasal chunga ircham an inei mani phal ma ung, an idâihrek ngêt hrang a ni.

¹³Adama kha siam masa a nia, kha hnunga kêng Evi kha siam a la ni sikin.

¹⁴Khabana, ihuanga om kha Adama ni maka, nupang kha kêng ihuang le porinchetirtu chu a ni.

¹⁵Nupanghai nâi nei zoro’n, Pathianin natna le dengintheina nangni an tongtira; khan khomnisian, iamna le lungthungna le, irthiangna neiin, lungrîl feltak leh an om photin chu saninhringin om an ti.