Read Hrangkhol 1 PETERA toc2 1 PETERA 2 Bible Online

1 PETERA toc2 1 PETERA 2 - Hrangkhol bible

1 PETERA toc2 1 PETERA 2

¹Khanchu sual chi tinrêng masan unglân, huangna hai, vârirletna hai, hnarsâna hai, insîrinsiatna hai murdi masan roi;

²nâitesen suakthar angin irtha tianga irhnutui irthiang ite polloi kha irzuk roi, kha irhnutui kha nin inin chu irsôn nin ta, hringna hmu nin ti.

³Pathian Thubu’n, “Rengpa satna kha irtem ngân u ta,” ti irziak ang khan.

⁴Rengpa kha pan roi, ama chu Lung hring, mihriamhai ihnôl, Pathian inthang, hlu tak kha a ni.

⁵Khanchu nangni khom lung hring ang hong niin irtha tianga in hrang angin bukkhôm roi. Kha khan Jisua Krista zâra Pathian pom inruk, irtha tiang irbôlna inhlan hrang, ochai irthiang hong ni nin ti.

⁶Pathian Lekha Thu’n, “En ta, lung hlu tak ki inthang a kila lungphûm chu Zion-a ki sia ta, Tukhom ama iam ka chu mualinphoi no nihai,” a tia.

⁷Nangni iamtuhai hrangin chu lung hlu tak a ni, iamloihaiin chu, “In sintuhaiin lung an ipai kha, Kha ngei kha a kila lung poimo tak a hong ni ta,” ti hi.

⁸Pathian Thubu ngêtin, “Lung, mi tûkna hrang le Lungpui mi khâlna hrang khom a ni,” a iti ang khan. Thu kha an iamno sikin an itûk a ni, ama kha Pathian lei irêl dân khom a ni chian ta.

⁹Nangni chu nam inthang, Rengpa ochai, nam irthiang, Pathian ta bîk, ama vâr irkhêl taka lût hranga inthim ata nangni koi suaktu Pathian sintho roiinpui inpuang hrang nin ni.

¹⁰Matona khan Pathian mi la ni ngai mak chêia, atûn chu Pathian mihai nin hong ni tâk; matona khan Pathian za’rngaina lan hre ngai mak chêia, atûn chu a za’rngaina nin hong dong tâk kêng.

¹¹Inditom takhaio, khual inzin, mi rama om nin ni sikin irtha doi ngai, taksa irzukna hai ata irkêm hrangin nangni ki ngên a ni.

¹²Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.

¹³Rengpa sikin mihriam dâna irchamneituhai kuang irpelût roi; irchamneitu irsâng tak, inlaltak thu hai,

¹⁴thil sual thotuhai hrema, thil sa thotuhai chôiindôm hranga a inkung ram optuhai thu zôm roi.

¹⁵Ite inhre loihai thu’nsîr inmôl kha thil sa thoa nangni in-ôktir hrangin Pathianin a inuam a ni.

¹⁶Zalênin om roi. Khannisianlân, nin zalênna kha sual thupna’n hmang loia, Pathian suakhai anga om hrangin nangni a inuam a ni.

¹⁷Mi murdihai inza unglân, urênghai lungthung unglân, Pathian chi unglân, rêng inlaltak kha chôiindôm roi.

¹⁸Nangni siahlohaio, nin puhai thu zôm unglân, mi sa le mi nunhoihai vai ni loiin mi saloihai khom mahrip thohai roi.

¹⁹Mi’n Pathian nuamlam nia a inhriat ngit sika a tuang kher loi hrang intak a tuangin chu Pathian nuamlam a ni.

²⁰Nin sual sika nin tuangin diar takin tuang khom unglân, nin ta hrangin irhming satna imo om? Khannisian, thil sa nin tho khomin kuttum nin tuangin chu Pathian nuamlam a ni.

²¹Hianga om hrangin Pathian ikoi nin ni, Krista khom khan nin ta hrangin a tuanga, enton hranga a ke hnung nin zui theina hrangin nangni a imâk pe a ni.

²²Ama khan thil sual tho maka, a bâia huangna thu suak ual mah.

²³Mi ingo’n a om laiin ngo nôk ngai maka, dik taka roirêl ngaitu Pathian kuanga khan tûngna a inkoltir tâk a ni.

²⁴Sual thisana felna neia ei hring theina hrangin, Krista ngêtin a taksa’n Krosa khan ei sualhai a pêla, ama zêmna irdulhai khan indam nin ni ta.

²⁵Belra angin lamchan nin invâi tâka, atûn chu nin irtha Enkoltu le Hruaitu kuanga khan nin hong ikîr nôk tâk a ni.