Read Hrangkhol 1 PETERA toc2 1 PETERA 5 Bible Online

1 PETERA toc2 1 PETERA 5 - Hrangkhol bible

1 PETERA toc2 1 PETERA 5

¹Nin laia koiindang upahai kha, keima an upa chanpui, Krista tuangnahai inhriatpuitu le roiinpuina zuang inlang hrang chang sa hranga sabeitu hin nangni ki inthor a ni.

²Nin laia Pathian belrahai kha enkol insa roi, nakhrâtin ni loiin Pathian nuamlam anga irzuk taka tho’n, fâk sa hrang sabei sika ni loiin, sintho nuamna lungrîl irputin enkol roi.

³Nin ihruaihai chunga inlal no unglân, belra pâlhai enton rua ni ual roi.

⁴Khanchu, Belra Enkoltu Inlaltak a zuang inlang tena chôiindômna lukhum roiinpui chuai theiloi kha dong nin ti.

⁵Khaang dênin nangni vânglaihai, ulian kuanga irpêklût roi. Sin nin irsanirhlôm theina hrangin thuhnuairôlna irbelin sin tho roi. Pathian Thubu’n, “Pathianin lârirpâkhai a doia, irngaiintômhai chu a lunginkham ngai,” ti a nia.

⁶Khasikin, a zoro taka chôiindôma nin om theina hrangin Pathian kut hrât tak hnuaia irsia hnuai unglân,

⁷nin lungdûkna murdi ama chunga irnghat zit roi; nangni a ngaitua tak tak a ni.

⁸Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

⁹Iamna hin ngîr indet khak unglân, ama kha doi roi. Rammual hmun danga nin urênghai khomin khaang dênin an tuang ti nin inhriata.

¹⁰Sôtnote nin tuang zoiin, Kristaa a kumtuang roiinpuina chang hranga nangni koitu, lunginkhamna sip Pathian khan nangni zuang inngîrtir a ta, siaminsa irkipin, inhrâtin nangni indet a ti.

¹¹Ama kuang khan sinthotheina kumkhua’n om ri se. Amen.

¹²Urêngpa, mi iamom a nih ti nang kin hriat, Silvana kuta hin hi lekha bongte hi nangni ki hong thon a ni, hi hi Pathian lungkhamna kha a nih ti inhriattir hrang le, kha khan ngîr indet khak hranga nangni kin thorna a ni.

¹³Babulon koiindang nangni ang dêna inthang hin chubai nangni an mûk; ki nâipa Marka khomin nangni a mûk sa.

¹⁴Krista lungthungnaa kut irchelin chubai irmûk roi. Nangni Kristaa om murdihai kuang irngeina om ri se.