Read Huarijio Eureo 8 Bible Online

Eureo 8 - Huarijio bible

Eureo 8

¹Te'ta nateyame nooe aamo nayeweriaa, ihjipua: Te'ta Pichiwa Neeseriosi iinueme teemea, te'pa kahtiame Riosi ahjamina, epeche te'ta yooreniamera te'ta iyoriwachi tewekachio. Ihji te'ta neeseriosia, Eesusi Apoe taamo Paamira puuua.

²Puuua wa'a yasaka tewekachio, te'ta iyoriwachi neesetonapua, apoe Riosi weeraria iyoriwachi, puuu wa'a te'ta iyoriwao, ki aaata ti'tijoeri neteriachipua.

³Yooma te'ta neeseriosi ajawatiamea, ti'tijoewichio Riosi oowemeripua itapitio, itapiti Riosi ihkorewa, naati tiame, itapiti animari kokoniame tiame. Pukaepa ihji weemera neeseriosiai, nakiyamepua tiameo, itapiti Riosi ahpo oowemiao.

⁴Ihji Eesusi taamo weemera tewekachi neeseriosia, i'wa weeechi yasisaapua pehji, ki te'ta neeseriosi enemiipua wa'ao, ahpo tewekachi neeseriosiwao ki weeechi ne'neseriosi nokiwa ihsiamekapapua. I'wa weeechio iinuemepua pehjio aaata neeseriosi, Moisee ajawatiamechitia nuurari nokayame.

⁵I'wa weeechi neeseriosi nokariaa, Eesusi tewekachi ihsiwia ekawira puuua. Wa'a tiiame nane'riame teemea, Moise Riosi te'ta iyoriwachi netemioio, eee chaaneriopua Moiseo: “Te'ta te'pa kaawichi no'o aamo cheeriachitia netepuapua.”

⁶Ehpeo ihji Eesusi weemera neeseriosia, te'ta weruma iyoriwachi ihsiamepua tewekachio, te'ta kaawerumara neeseriosiwa teetoka. Ihji Eesusia wa'a tewekachiopua tiameo, apoepechi yasipakamepua Riosi weemera kateweri weeechi ti'tijoeriwichio inisiwaopua. Puuu weemera kateweri yooraa, tísia epeche kaaweruma tiiamepua taamowichioo, epeche kaaweruma Riosi taamowichio iintomo tuuriokopa. Puuu Riosi taamowichio iintomo tuuriaa, ihji eee cheeriapua: “Aaataai no'o Taana Eesusichi paparakamea, nooe cheriwetiame itipitiameripua tatakoririaa, te'ta ahsieme cho'wetiamepua wa'asi.”

⁷Pahcha simiyame Riosi katewerio, ahsepari tiiame enesoopua ki sewinapuameo, ki nakimii puuua, weemera kateweri yachaniameo.

⁸Nape Riosia pu'ka ti'tijoerio, pu'ka katewerio kiisi ahsepame tiiopa iyorikao, pukaepa weemera kateweri yahcharepua. Riosia ehkoriamio, eee cheeriaipua Eremia iyoterichio: Enamiitepua no'oo piie taawechio, weemera kateweri no'o yachamiachiopua, yooma i'isaeri ti'tijoerichiopua, Uura mochikame ti'tijoerichiopua tiame.

⁹Nape ihji weemera kateweri no'o yachamiaa ti'tijoerichio, ki aamo ehkoriami mochiriame no'o kateweri yahcheriachitia, teeremeripua, pu'kao Eejito no'o puuyanarioiopua panitokao. Pu'ka kateweri nuurario, ki yooreka mochitopua ti'tijoerio, ki no'o tatanachitia uukania pu'kao.

¹⁰Nape neipami pu'ka weemera kateweri no'o yahchariachio, yooma noochi e'enaka paparakameopua no'o tatana iintapasaopua, eee iintomiaa, cheere Riosia: yomachiami i'isaeri noochi paparakamechio, yomatiame noochi paparaka te'ta i'isaeri enepakamechiopua tiameo, no'o nuurari iyoripuameo, pu'ka inatarichi teerepamania, i'ka ti'tijoeri iikarachiopua tiameo, wa'a iyotepa tiame iintapamania no'o nuurariopua tiame. Pu'kao neeea, Riosiwaraa enemapua, aapoeo no'o mochiwaria enemapua.

¹¹Puuu wa'a no'o mochiwarichi mochikamea, aaataai kihta aaata masitemapua noochi simiyameo, ahpo poonioi, aaata ahpo ahjama oiyameoi, yoomahka pu'kao, te'ta no'o machika mochikamekopaopua wa'asi, nu'nuntiraai ahkasi weewerumaai.

¹²Wa'a teeremeri puuua, no'oo pu'ka weeechi mochikoiopua pehjio, yooma no'o cheriweriopua na'ara nokariao, kiisi inatepapuawichiopua wa'asio, pu'ka tatakoririao.

¹³Riosi weemera kateweri nayewasaopua, pahcha kateweri yachatiameopua oochetupario tuukapua wa'asi, pu'kao kihta itipimio tuukapua wa'asio.