Read Huli 1 Bi Te 25 Bible Online

1 Bi Te 25 - Huli bible

1 Bi Te 25

¹Debidibi Libaiali agali haguane hearubi tigua Libai hameigini marume Anduane Homogonaga andaha lotu lolenaga biabe bulene damene wiaru handaya howa haru haga helo dabenego uru. Asaba ariabi Hemanabi Yadudunubi hameigini emene uruni tigua biabe uruni bilo dabo helene. Tigua Anduane Homogonaga bi mana wali agalihondo lamialu helo dabo helalu ngida ale tara tara wiaru balubi ngi̱li̱nge̱le̱ lagane beledi ale wiaru balubi helo ani dabo helene. Agali biabe biaga uruninaga minibi tinaga biabe ogoale biagabi gilibu wini.

²Asaba igini maria henego tinaga mini Sagu Yosebe Nedanaia Asarela layaru hene. Asaba ibunime ti haru howa kinihanda Anduane Homogonaga bi mana lamidaba laradagua lamiaga hene.

³Yadudunu igini waragaria henego mini Gedalaia Seri Yasaia Simai Hasabaia Madidaia layaru hene. Ti aba Yadudunuhanda ti haru halu tigua Anduane Homogonaga mana latagi haga hene. Tigua ngida aleru balu howa Anduane Homogohondo ka̱i̱ lalubi ibunaga mini yaraga halubi iba gana laga hene.

⁴Hemana igini pira mbirani maria (14) henego mini Bugaia Madanaia Usiele Sebuele Yarimodo Hananaia Hanani Eliada Gidaladi Lomamadiese Yosobegasa Malodi Hodiri Mahasiodo layaru hene.

⁵Hemana ibugua kinihondo Anduane Homogonaga bi mana latagi haga heagola Ngode Datagaliwabehanda Hemana biamogo bialu mo timbu halu ibuhondo bayale buleore lalu lo winidagua ibu igini pira mbirani maria (14) uruni mialu wandaribi tebira mini.

⁶Hemana igini uruni bibahende tigua Anduane Homogonaga andaha Ngode Datagaliwabe mitangi bialu lotu larangi ngida ale tara tararu balu ngi̱li̱nge̱le̱ lagane beledi aleru baga baga bialu iba gana laga hene. Ani bialu heagola ti abahanda handayaho howa haru haga hene. Debidihanda Asababi Yadudunubi Hemanabi urunihondo bidaba layadagua tigua ani bialu haga hene.

⁷Agali pira kirani maria (24) uruni ti manda timbunibi hene. Libaiali biaru tigua iba gana lolenebi ngida ale bolenebi uruni ale tara tara manda biaiorehe hene. Agali uruni daga lamaga halu ti handari kirani pira halirani halira (288) hene.

⁸Bibahende ani dabo helai howa biabe ala ai ibugua pigane bibehedabe hondolenaga ege to̱le̱ emeneni mini gili bialu baraga hene. Agali uruni igiri daliahe heaguabi waheore heaguabi tinaga biabe iba gana lolenebi ngida ale bolenebi manda biaihe heaguabi manda biai nahe wene manda bialu heaguabi tanabiore ege to̱le̱ baraga hayagola karulape lalu dabarago ibugua biabe pigane bilo helaga wini.

⁹Agali handari kirani pira halirani halira (288) uruni ti igini damenerubi tini headagua agali pira mbirani kira (12) dege dege dabo helalu ti wabuni bibahende agali pira kirani maria (24) hene. Tigua ege to̱le̱ baraga hayago handalu hemiria Asaba igini Yosebe ibu igini damenerubi pigane dabene. Mende dabayago Gedalaia ibu iginiru damenerubi dabene.

¹⁰Tebone dabayago Saguru halu ibu iginiru damenerubi dabene.

¹¹Mane dabayago Seri ibu mini mende Isiri halu ibu iginibi damenerubi dabene.

¹²Dauni dabayago Nedanaia halu ibu igini damenerubi dabene.

¹³Waragane dabayago Bugaia halu ibu igini damenerubi dabene.

¹⁴Kane dabayago Asarela ibu mini mende Yasarela henego ibu igini dameneru dabene.

¹⁵Halini dabayago Yasaia igini damenerubi dabene.

¹⁶Dini dabayago Madanaia ibu igini damenerubi dabene.

¹⁷Pini dabayago Simai igini damenerubi dabene.

¹⁸Pira mbirani mbira (11) dabayago Usiele ibu mini mende Asarele henego igini damenerubi dabene.

¹⁹Pira mbirani mende (12) dabayago Hasabaia igini damenerubi dabene.

²⁰Pira mbirani tebone (13) dabayago Sebuele ibu mini mende Subaele henego igini damenerubi dabene.

²¹Pira mbirani mane (14) dabayago Madidaia igini damenerubi dabene.

²²Pira mbirani dauni (15) dabayago Yarimodo igini damenerubi dabene.

²³Pira mbirani waragane (16) dabayago Hananaia igini damenerubi dabene.

²⁴Pira mbirani kane (17) dabayago Yosobegasa igini damenerubi dabene.

²⁵Pira mbirani halini (18) dabayago Hanani igini damenerubi dabene.

²⁶Pira mbirani dini (19) dabayago Malodi igini damenerubi dabene.

²⁷Pira kira (20) Eliada igini damenerubi dabene.

²⁸Pira kirani mbira (21) dabayago Hodiri igini damenerubi dabene.

²⁹Pira kirani mende (22) dabayago Gidaladi igini damenerubi dabene.

³⁰Pira kirani tebone (23) dabayago Mahasiodo igini damenerubi dabene.

³¹Daba maro pira kirani mane (24) dabayago Lomamadiese igini damenerubi dabene.