Read Huli 1 Bi Te 6 Bible Online

1 Bi Te 6 - Huli bible

1 Bi Te 6

¹Libai igini tebira henego mini uru. Gesono Kohada Merari laga biyaru hene.

²Kohada igini maria henego Amarama Isiha Heberono Usiele imaru hene.

³Amarama igini Arono Mosesela halu wane mbiraore Miriama berene. Arono igini Nadaba Abihu Eleasa Idama laga biyaru hene.

⁴Eleasa igini Piniasa Piniasa igini Abisua Abisua igini Bugi Bugi igini Usi Usi igini Serahaia Serahaia igini Meraiodo Meraiodo igini Amaraia Amaraia igini Ahidubu Ahidubu igini Sadogo Sadogo igini Ahimasa Ahimasa igini Asaraia Asaraia igini Yohanana Yohanana igini Asaraia mende hene. Kini Solomonohanda Ngode Datagaliwabenaga anda Yarusalemeni bialu heangi Asaraia ogoni ibu loma binigo mo miaga haguane hene.

¹¹Asaraia ogoni ibu igini Amaraia Amaraia igini Ahidubu Ahidubu igini Sadogo Sadogo igini Salumu Salumu igini Hiligaia Hiligaia igini Asaraia Asaraia igini Seraia Seraia igini Yahosadaga hene.

¹⁵Ani henego ainde horo mbirungi Anduane Homogohanda Kini Nebugadanesanaga mini mo heya hayagola Babilono agali hearume ibalu Yudalirubi Yarusalemealirubi garabaya bu yalu Babilono penego ogoningi Yahosadagabi ti heba garabaya bule minu yalu pene.

¹⁶Libai igini tebira Gesono Kohada Merari imaru hene. Uruni ti iginibi nde henego mini uru. Mbira Gesono ibu igini Libini Simeila hene.

¹⁸Kohada ibu igini maria Amarama Isiha Heberono Usiele layaru hene.

¹⁹Merari ibu igini Mali Musila hene. Agali uruni ti Libai igini aguaneru hene.

²⁰Gesono igini aguaneru henego urudagua hama ibini. Gesono igini Libini Libini igini Yahada Yahada igini Sima Sima igini Yoa Yoa igini Ido Ido igini Sera Sera igini Yaderai laga biyaru hene.

²²Kohada ibu damene hama ibinigo uru. Kohada igini Aminadaba Aminadaba igini Kora Kora igini Asiri Asiri igini Elegana Elegana igini Ebiasaba Ebiasaba igini Asiri mendego Asiri ogoni igini Tahada Tahada igini Uriele Uriele igini Usia Usia igini Saulu layaru hene.

²⁵Elegana ibu igini kira Amasai Ahimodola hene. Ahimodo igini Elegana mendego Elegana ogoni igini Sobai Sobai igini Nahada Nahada igini Eliaba Eliaba igini Yarohama Yarohama igini Elegana tebonego Elegana ogoni igini Samuele hene.

²⁸Samuele igini kira henego wahene Yoele heyogone Abiyala hene.

²⁹Libai igini Merari ibunaga igini aguaneru ogodagua hama ibini. Merari igini Mali Mali igini Libini Libini igini Simei Simei igini Usa Usa igini Simea Simea igini Hagia Hagia igini Asaia hene.

³¹Agali maru Anduane Homogonaga andaha iba gana lalu ngida ale tara tararu balu helonaga Kini Debidi ibugua ti dabo helene. Kini Debidi ibugua Anduane Homogonaga Habo Nalolene Bi lo winigonaga Mbogoyi biago mo yalu Anduane Homogonaga Balai Anda Yarusalemeni bu helayagoha ngelole ibiyangi Debidi ibugua agali uruni dabo helene.

³²Kini Solomono ibugua Yarusalemeni Anduane Homogonaga anda nabi howa Balai Anda hangu bu heangi agali uruni tigua tinaga biabe ogoni biaga hene. Wali agalirume Anduane Homogonaga Balai Anda bu heagoha ngoai hayangi agali uruni tigua ngidaru balu iba ganabi lalu haga hene.

³³Agali tebiralime ngida aleru balu iba gana lelonaga biabe ogoni haru haga helo ti dabo helene. Ani biyagola mani agali uruni ti igini aguanerumebi biabe ogoni dege bialu hene. Kohada hameigini agali haguane hayadago mini Hemana hene. Ibugua iba gana lolene mugube howa iba gana laga agali wabuni mbira heneru haru haga hene. Hemana ibu Yoele igini Yoele ibu Samuele igini Samuele ibu Elegana igini Elegana ibu Yarohama igini Yarohama ibu Eliele igini Eliele ibu Toa igini Toa ibu Subu igini Subu ibu Elegana igini Elegana ibu Mahada igini Mahada ibu Amasai igini Amasai ibu Elegana igini Elegana ibu Yoele igini Yoele ibu Asaraia igini Asaraia ibu Sebanaia igini Sebanaia ibu Tahada igini Tahada ibu Asiri igini Asiri ibu Ebiasaba igini Ebiasaba ibu Kora igini Kora ibu Isiha igini Isiha ibu Kohada igini Kohada ibu Libai igini Libai ibu nde Yagaba igini hene.

³⁹Debidi ibugua Asaba ibu iba gana lagaru wabuni halu mende haru helo dabo helene. Ibu Hemanala libu biabe mandagi biaga hene. Iba gana lole ngida bolene harangi Asaba ibunaga agali urunime Hemana ibunaga agali biarume gi tigahayagi heyu haga hene. Asaba ibu Beregaia igini Beregaia ibu Simea igini Simea ibu Maigele igini Maigele ibu Basea igini Basea ibu Malagiya igini Malagiya ibu Edeni igini Edeni ibu Sera igini Sera ibu Adaia igini Adaia ibu Edana igini Edana ibu Sima igini Sima ibu Simei igini Simei ibu Yahada igini Yahada ibu Gesono igini Gesono ibu Libai igini hene.

⁴⁴Merari hameigini agali haguane mini Edana ibugua iba gana lagaru wabuni halu tebone heneru haru helo Debidihanda dabo helene. Agali uru tigua iba gana lalu ngidaru bole howa Hemana hameiginirunaga gi lehayagi heyu haga hene. Edana ibu Kisi igini Kisi ibu Abadi igini Abadi ibu Malugu igini Malugu ibu Hasabaia igini Hasabaia ibu Amasaia igini Amasaia ibu Hiligaia igini Hiligaia ibu Amasi igini Amasi ibu Bani igini Bani ibu Seme igini Seme ibu Mali igini Mali ibu Musi igini Musi ibu Merari igini Merari ibu Libai igini hene.

⁴⁸Anduane Homogonaga andaha biabe maru bulene wiaru damene bialu helonaga Libai agali maru tigua dabo helaga bini.

⁴⁹Arono halu ibu igini aguaneru tigua Anduane Homogonaga lomabu delaga dabu wiagoria ira hagua ngabilo inisenesibi nogo tara tara loma biniru dai helonagabi biabe bialu haga hene. Ani bialu anda tamu Hobane Loma Bia Heneore biagohabi Anduane Homogo mitangi bialu biabe bialu haga hene. Ani bialu tigua Isaraele wali agalime ko biyaru domo wahelonaga lomabu delaga hene. Tigua biabe uruni bialu howa Anduane Homogonaga biabe biaga Mosesehanda ogodagua bilimu lalu Aronohondo lamiyadagua bialu hene.

⁵⁰Arono igini aguaneru uru hene. Arono igini Eleasa Eleasa igini Piniasa Piniasa igini Abisua Abisua igini Bugi Bugi igini Usi Usi igini Serahaia Serahaia igini Meraiodo Meraiodo igini Amaraia Amaraia igini Ahidubu Ahidubu igini Sadogo Sadogo igini Ahimasa hene.

⁵⁴Isaraeleali tigua Arono aguanene Kohada hameiginihondo dindi tanobi tu wu minidaru mini uru gilibu nga. Isaraele tigua Libai hameigini dindi tu wu mulenaga hameigini emene haga biadagua ago ibu dindi ala mulubadabe hondolenaga ege to̱le̱ emeneni mini gili buwa baraga halu hene. Anidagua biyagola Arono aria hearu ti dindi ala mulene wiaria hendene.

⁵⁵Ani hondowa tigua Heberono tano Yuda dindihayagi wiago ti helo mini. Ani bialu dindi emene Heberono tanobi dindi emene ogonihayagi wiapara hearubi heba Arono aria ti helo mia dege bini. Dindi uruniha tinaga nogo sibi bulumagaru tani nolene bayale andahohe wiaru mini.

⁵⁶Anigo Isaraele tigua Heberono tanoha mabu bayale wiapara hearuni Arono aria hearu nami Yabune igini Kalebe heagohondo mini.

⁵⁷Isaraeleali tigua Heberono tano Arono aria hearu mini. Heberono tano ogoni Isaraele tigua agali bo waholilono ibu ibida pialu ha do helonaga tano dabo wini mbirago ogoni wini.[5] Ani bialu tigua Arono aguane heneruhondo tano uru mia dege bini. Yadiribi Libinabi Esedemoabi Hilenebi Debiribi Asanabi Bedesemesebi tano uruni migi bini. Dindi emene maru tano uruniha wiapara hene wiaru tinaga nogo bulumaga sibiru tani nalu helo tani bayale anda haga wiaru heba migi bini.

⁶⁰Ani bialu Isaraeleali tigua tano maru Beniyamini hameigini dindi wiagohayagi wiarubi Libai hameiginiru mia dege bini. Tano uruni mini Gebabi Alemedebi Anadodobi wini. Ani bialu tano uruninaga dindi taniru bayale anda haga wiaru heba mia dege bini. Tigua tano haleria (13) bibahende Arono aria tu wu mini.

⁶¹Ani bialu Isaraeleali tigua ege to̱le̱ dindi walia helonaga lone baraga halu tano pira Kohada hameigini hearunaga tu wiabagi hene. Tano uruni Manase dindiha dindi abene ni paliragohayagi wiaru tu wu migi bini.

⁶²Ani bialu tigua tano haleria (13) bibahende Gesono hameigini hearunaga tu wiabagi ho wini. Tano uruni hameigini Isaga dindihabi Ase dindihabi Nabadali dindihabi Manase hameigini halu mende Basana dindiha hearunaga dindihabi tu wu mini.

⁶³Ogonidagua tigua Merari hameigini hearuhondo tano hombearia (12) tu wu mini. Tano uruni Lubene dindiha howabi Gada dindiha howabi Sebulunu dindiha howabi tu wu migi bini.

⁶⁴Isaraele agali tigua anidagua bigi bialu Libai hameigini hearuhondo tanobi dindi maru tani bayaleru anda haga wiaru tinaga nogo bulumaga sibiru nelobi tu wu migi bini.

⁶⁵Tano uruni Yuda dindihabi Simeono dindihabi Beniyamini dindihabi howa tu wu migi binigonaga mini gilibu ngaruni tigua dindi walia helonaga ege to̱le̱ emene baraga halu ogonime mo walia haga biyagola tano ogoni dabaga bini.

⁶⁶Tano maru Kohada hameigini ti migi binidaru Eberaimi hameigini dindiha wini.

⁶⁷Segeme tano wiago Kohada hameigini tu wu miyadaruni Eberaimi dindi hari bareha wini. Tano ogoni Isaraele tigua agali bo waholilono ibida pialu ha do haga winigo Kohada hameigini mo mini. Tano maru Kohada hameigini minidaru Gesebi Yogomeamabi Bedehoronobi Aiyalonobi Gadarimonobi wigi bini. Tano uruni Kohada hameigini tu wu mialu howa dindi maru tani bayale anda haga nogo bulumaga sibiru nalu holene dindi tano kaware wiaru heba mia dege bini.

⁷⁰Kohada tinaga tano maru Manase hameigini halu mende hearu dindihabi wia dege biniru Ane Bileamabi wini. Tano uruni heba dindi bayale nogo bulumagabi sibirubi tani nolene anda haga wiaru nelonaga mia dege bini.

⁷¹Tano maru Isaraele tigua Gesono hameiginihondo minidaruni dindi bayale tani anda haga wiaru nogo bulumaga sibirubi nelonaga mini. Manase hameigini halu mende hearu daluhayagi tano wiaru tu wu mini. Basana dindiha tano kira Golana Asadarodola wiagobi mini.

⁷²Isaga dindiha tano Gedese Daberada Lamodo Aneme winiru migi bini.

⁷⁴Ase dindiha tano mini Masala Abadono Hugogo Lehobo winiru migi bini.

⁷⁶Nabadali dindiha tano wiaru mini Kedese Galili dindihayagi wiagobi Hamono Kiriadaimila wiagobi mia dege bini.

⁷⁷Libai aria dege Merari hameigini hearu tano minidaruni dindi tani bayale anda haga wiaru heba tu wu migi bini. Sebulunu dindiha tano Limono Tabola winigo mini.

⁷⁸Lubene dindiha tano winidago mini Bese Iba Yodana doma edera ni tagira ibiragohayagi Yarigo tano kaware dege lowa dindi ko iba dalu naibaga wiago mini. Tano Yasa Kedemodo Mebadaru tu wu migi bini.

⁸⁰Gada hameigini dindiha tano maru mini Lamodo Gileada dindiha wiagobi Mahanaimi Hesebono Yaseru wigi bini. Anidagua bialu Isaraele tigua tano maru ti helo mialu tano kawareni tinaga nogo bulumaga sibirume nelonaga dindi bayale tani anda haga wiaru heba Merari hameigini tu wu migi bini.