Read Huli Iba Gana 101 Bible Online

Iba Gana 101 - Huli bible

Iba Gana 101

¹Anduane Homogo-o i̱na iba gana lalu bi lo wirugo buleore lalu larudaguabi í̱naga mana tigabi bulene ngadagua bulebi i̱na í̱ mitangi bialu iba gana ogo í̱hondo lalu kogoni.

²I̱na mana ko nabi bayale dege bialu holeberogo Anduane Homogo-o í̱na biamogo bule i̱ koria angi ibuleberebe. I̱ damenerunaga deni howa mana tigabi dege biaabo holebero.

³I̱na mana ko bulene ngago bibe mangaore holebero. Wali agali Ngode Datagaliwabehondo erembira mialu haga karuhondo turu naheore kogoni. I̱ ti heba mandagi ibagabu naholebero.

⁴Ke̱ hagane mana biaga ngagobi i̱na nabulebero. Agalime mana ko biaga ngagobi mitangi naholebero.

⁵Wali agali mendeali ndelalu haga karu i̱na ti bope holebero. Mine haga karubi i̱na handabe manga holebero.

⁶Ngode Datagaliwabehondo mini bilinahe karu tihondo i̱na turu haabo holebero. Mana bayale bialu henene laga karu ti degeme i̱naga biabe biaga helo i̱ andagaha helolebero.

⁷Wali agali ke̱ haga bu karu ti i̱naga anda timbuni kagoha naholebira. Wali agali tombene hondokihe karu ti i̱la naholebiraore.

⁸Horo bibahendengi i̱naga dindi ngagoha ko biaga karu i̱na mo ko halu bo batagi haga bulebero. Wali agali ko biaga karu damene Anduane Homogonaga tano ngagoria nahelo i̱na ti bo talu pelai holebero.