Read Huli Iba Gana 108 Bible Online

Iba Gana 108 - Huli bible

Iba Gana 108

¹Ngode Datagaliwabe-o i̱ mini bilinahe howa í̱hondo mini mbiraore hongohe wu kogonigo i̱na iba ganaru lalu í̱naga mini yaraga halu holebero.

²I̱ni padogoria heyuwa i̱na ngida aleru barogome ni tagira ibilo mo heya holebero.

³Anduane Homogo-o i̱ dindi tara tara ngaruha pu howa í̱hondo ka̱i̱ laabo holebero. Hameigini tara tarabu karuha pialu i̱na í̱naga mini yaraga hama polebero.

⁴Anduane Homogo-o í̱naga gubalini haabo holene emene ndoore hari daliga elahe wu kegoni. Í̱naga mini bilinahe ngego timbuni yangale howa hari mindini elahe wu kegoni.

⁵Ngode Datagaliwabe-o í̱ni timbuniore dunini kego wali agalime handai helo hari daligani mo walia habe. Dindi bibahendeha í̱naga wá holenebi mini lene holenebi panigi mo walia habe.

⁶Í̱na ina gubalini timbuni ho haga kegonigo bayale hai holoma̱ya i̱naga bi larogo hale habe. Í̱naga hongo timbuni ho kegome ina pele ngibe laro.

⁷Ngode Datagaliwabehanda ibuninaga andaha howa lalu, I̱na wai bialu bo podahana hai halu wayali harugo Segeme dindibi Sugodo dindiha dindi ulini bugubugu wuyu pedarubi dindi uruni i̱naga wali agaliru ti helo i̱na ti tu wu ta hai holebero.

⁸Gileada dindibi Manase dindibi i̱ninagaore nga. Eberaimi ibu i̱naga ege manda ale nga. Yuda ibu kininaga haru haga halimbu ale nga.

⁹Moaba dindi i̱naga wayawaya biaga ndisibe ale wialu Idomo dindi i̱nagaore ngo lalu i̱na i̱naga ge su golowa dindi ogoriani ba amu holebero. I̱na Pilidialiru balu wayali howa turu halu ga̱ lalu harugoni, laya.

¹⁰Ngode Datagaliwabe-o pabe hongohe bu mabubi tano ngagoha i̱ aiwa haru anda polobadabe. Idomo dindiha i̱ aiwa haru polobadabe.

¹¹Ngode Datagaliwabe í̱na ina erembira ngiribe. Í̱na inanaga ami agali karu biamogo nabuleorebe.

¹²Agalinaga hongome ina biamogo bulene emene nakarulapego ina waitigi bu karu baba wai buluma̱ya í̱nioreme ina biamogo bibe.

¹³Ngode Datagaliwabe ibu ina heba kayagua nde iname wai bialu wayali holeberema. Waitigi karu ibunime bope hai holebira.