Read Huli Iba Gana 114 Bible Online

Iba Gana 114 - Huli bible

Iba Gana 114

¹Bamba Isaraele wali agalime Iyibi dindi wahalu tagira pene. Yagaba aguaneru ti dindi tarani howa wahalu tagira pene.

²Ogonidagua piyangi Yuda wali agali ti Anduane Homogonaga helo dabo helene. Isaraele wali agali tibi nde ibunaga wali agaliore helene.

³Iba solowara Daramabi bereagome de hondowa ibida pene. Iba Yodana ibu ema bialu pu nabi berene.

⁴Dindi hari timbuni wearume nogo memerume pogolama ibaga biradagua bialu hari emene wearume nogo sibi iginime pogo laradagua bini.

⁵Iba solowara Daramabi-o í̱ agua biyane ibida piribe. Iba Yodana í̱bi nde agua biyagola pu nabi biraribe.

⁶Hari timbuni wedemiru-o tígua nogo memerume pogolama ibaga biradagua bialu harimigo irane agibe. Hari emene wedemiru-o tíbi nogo sibi iginime pogo laradagua bialu harimigo aginagabe.

⁷Dindi-o Anduane Homogo áyu o ibiragonigo í̱ gi howa duru lalu wia. Yagabanaga Ngode Datagaliwabe o ibiragoni hondowa í̱ duru lalu ema bialu wulene nga.

⁸Ibugua ege to̱le̱ timbuni ngago mo iba hambiaga goriane berelalu dindi hariha ege to̱le̱ timbuni kago mo iba timbuni pelaga kagoni.