Read Huli Iba Gana 116 Bible Online

Iba Gana 116 - Huli bible

Iba Gana 116

¹I̱na Anduane Homogohondo bi larugo ibugua hale halu biaga kagonaga i̱na ibuhondo gubalini ho kogoni. I̱na ibuhondo bi larogo haleore haga ka.

²I̱na ibu olarongi ta nabi haleore halu biaga ka. Ibu ani biagagodago i̱ dére emabu kongi ibu olaho wiaabo holebero.

³I̱ homoleneore gi biyagome mo dombe wia hayagola dombeneha haru. Homaliha horo heago hondowa homali hondowabi gi ogonibi dege biyagola haru. Miniha gi dege dindiho mini tumutumu bu ho wiru.

⁴I̱ aniore howa nde i̱na Anduane Homogo olalu, Anduane Homogo-o homaore bidogo gi mia, lalu olaru.

⁵Anduane Homogo ibugua i̱na dara nahabehego dara howa biamogo biagabi bayaore bigi biagabi ka. Inanaga Ngode Datagaliwabe ibu wali agali dara hagaore kagoni.

⁶Wali agali ko hongo nahe paipai biadai bibe nahe karu Anduane Homogo ibugua ti biamogo biaga ka. I̱ homolene wiagoria hewaria ibugua i̱ gi miya.

⁷Ai i̱ de dege dindiho naholebero. Miniha dungulo dai buwa bu ibira ho holebero. Anduane Homogohanda i̱hondo bayaore biyago manda bialu ani holebero.

⁸Anduane Homogohanda i̱ homolene wiagoria hewaria gi mialu i̱naga de iba domaya. I̱ pilole hewaria ibugua i̱ gini yani ho haya.

⁹Ibugua ani binigome ai áyu i̱ Anduane Homogonaga deni howa wali agali maru dére karu kadagua mandagi kamagoni.

¹⁰I̱ homolene kawareore wiago hondowa aiore nde homaruda manda buwa dege i̱na Anduane Homogohondo mini mbiraore wiaaboore haru.

¹¹Homolene giore halu wali agali bu harimaruni mbiraligomebi i̱ pele ngulenego mbira nahayuago, lalu hanguore i̱ homoleda manda buwa dege Anduane Homogohondo mini mbiraore wiaaboore haru.

¹²Anduane Homogohanda i̱hondo bayale dege bima ibiyagonaga i̱na ibuhondo agi muledabe.

¹³I̱ homoleore kaware hewaria gi miyagonaga ka̱i̱ lalu i̱na waini iba lomabu mule ibu karia hambu yalu ibulebero.

¹⁴Ibunaga wali agaliru mo mogobu biru ngagoria puwa i̱na ibuhondo mulebero lalu lowirugo miaore bulebero.

¹⁵Anduane Homogo ibugua ibunaga wali agali mbirago homaga biragola ibu miniha tandaga haore biaga ka.

¹⁶Anduane Homogo-o i̱ í̱naga biabe biahaga kogoni. I̱ ai̱yahanda í̱naga biabe biahalu bereneyadagua áyu i̱na í̱naga biabe biahalu ko. I̱ homoleore hewaria í̱na i̱ gini mialu bayale heledagoni.

¹⁷I̱na í̱hondo ka̱i̱ore lalu mbirale mbira lomabu ngialu í̱hondo bi lolebero.

¹⁸Yaruseleme í̱naga anda ngagoria anda puwa í̱naga wali agali bibahende íbu ngoai ho bedaria i̱na í̱hondo, Ngulebero, lalu lowirugo lomabu ngiaore bulebero. Anduane Homogonaga mini mo yaragaore holene nga.