Read Huli Iba Gana 12 Bible Online

Iba Gana 12 - Huli bible

Iba Gana 12

¹Anduane Homogo-o í̱na i̱ biamogo bibe. Mbirali bayale mbira naheorego. Tigabi biaga mbira karia nahondolebere.

²Wali agali bibahendeme ke̱ dege haga ka. Tigua mendeali kago mo guya halu bi ladebodebo biaga ka.

³Anduane Homogo-o wali agali bi ladebodebo biaga karunaga ne harigabi mine haga karunaga hégebi bibahende bo ndibu lai habe.

⁴Wali agali ko biaga uruni tigua lalu, Inanaga hégeme wayali holeberama. Inanaga ne hambu anduane aibe. Ina handayaho haruago aibe, laga biaga ka.

⁵Anduane Homogo ibugua lalu, Ko biaga bu karume yagibano karu hengedape hayadago hondowabi burupale karu ti dugu biaruago hale howabi i̱ni abale ibulebero. Tini bayale holenenaga maliaho karu i̱na ti ogoriani mo helolebero, laya.

⁶Anduane Homogonaga bi lo winigo bibahende heneneore lo nga. Ibunaga bi bayaleore laganego siliba irani ka halu delene ngarale ngaligobiore ngagoni.

⁷Anduane Homogo-o í̱nime ina bu kamaru baya hangu de handayaho habe. Ko biaga karume ina mo ko holigo í̱na ina baya hangu mamageho haabo habe.

⁸Ko biaga karu tigua dindi bibahendeha mine halu ibaga biame haga ka. Wali agali bibahende karume mana ko bulenego hame lowa mana ogoni bayaleda mitangi biaga ka.