Read Huli Iba Gana 121 Bible Online

Iba Gana 121 - Huli bible

Iba Gana 121

¹I̱na hari wedaruha de handadaga berogoni. I̱ ani bia berogonigoyu mbirali i̱ biamogo bule ibulubadago agohayagi howa ibulubadabe.

²Anduane Homogo ibugua hari daligabi dindi timbuni o kamagobi wabinigo ibunime dege i̱ biamogo biaga kagoni.

³Ibugua í̱ pilope nahabelo handayaho holebira. Ibu u napaliaga howa í̱ mamage kaore dege halu egabi laga biaga kagoni.

⁴O larogo bayuwa hale habe. Anduane Homogo ibu Isaraele wali agalinaga mamage haga kago howa ibu u emene mbira napaliagaore ka. Ibu umubi heba nalagaore kagoni.

⁵Anduane Homogo ibugua í̱ kegoha kaware haparaho howa í̱ mamage haabo haga kagoni. Ibu ani kagola í̱ ibu gumbaha howa bayaleore dungulo holebere.

⁶Horombe ni tandagabi daragome í̱ daba halu mo ko naholebira. Mbiraga ege daragomebi í̱ mo ko naholebira dege.

⁷Mbirale ko hiriribi tara tara ngarume í̱ mo ko mbira holilono Anduane Homogo ibugua í̱ handayaho mamage holebira.

⁸Í̱ í̱ni andagani palialu tagira pu haregoriani ibugua mamage hama ibagabu holebira. Í̱ andagani daibu paleregolabi ibugua dege mamage holebira. Áyubi awebi ibugua ani biaabo holebira.