Read Huli Iba Gana 129 Bible Online

Iba Gana 129 - Huli bible

Iba Gana 129

¹Isaraelealiru-o bambaore howa tí waitigirume pigane hemingi howa mo ko hama ibalu haabo henego te langibe.

²I̱na í̱hondo langialu lalu, I̱ daliahe dege hewangi waitigime mo ko hama ibalu haabo henego áyu kogoni. Tigua ani binigoyu i̱ bope nahe kogoni.

³Tigua i̱ pu payini tibume minu bayagola i̱naga tingini erembiraha poda gaibu baga biya. I̱naga tingini bayago dere tibu bene wiadagua luni biagimbu bigi bialu iba ganarua ale pupe haga biya.

⁴Tigua ani biyagoyu Anduane Homogo ibu tigabiore kagome i̱ biamogo bialu waitigi biarunaga garabaya biabe ale bialu haga ndo i̱ golope hene ko, lalu langerogoni.

⁵Waitigirume Saiono handabe manga haga bu karu tini daluha bo taliadai bimi̱ya hamelo ko.

⁶Tiore anda dangini gondo anda ho hagadagua hayagua bayaleda. Mbiralime gondo ogoni dugu wanahe kaore minalu abale gau laga.

⁷Gondo anda dangini anda hene ogoni mbiralime gandu lowa mo kabubu yalu napiaga ndobe.

⁸Wali agali kaware bolangua halu porarume tihondo ogodagua lalu, Anduane Homogohanda tí mo bayale helo. Iname nde Anduane Homogonaga minini howa tí mo bayale helo hameledama, lalu nalolebira ndobe.