Read Huli Iba Gana 13 Bible Online

Iba Gana 13 - Huli bible

Iba Gana 13

¹Anduane Homogo-o í̱na i̱ angi mitangi bule kebe. Í̱na i̱ embeda halu yu waore haribe. Í̱naga dengui lone hondoliya i̱hondo angi mo walia holeberebe.

²I̱ genda yu kogonigo angi mo waholeberebe. I̱ miniha tandaga ngelo koruni horombe mbiragabi agiru hondo holeberebe. I̱ waitigi karunaga andaneha naholiya í̱na i̱ angi biamogo buleberebe.

³Anduane Homogo i̱naga Ngode Datagaliwabeore-o Í̱na i̱ mitangi halu i̱naga bi larogo hale habe. I̱ nahomoliya i̱naga de mo ngalalu lone mo hongo habe.

⁴I̱ homaruyagua i̱naga waitigime lalu, Iname ibu bope harimadagoni, loligo nalelo. Tigua i̱ pilarogo hondowa turu holigo nahelo.

⁵Ani lolebiragoyu í̱na i̱ gubalini holebeda lo manda bialu mini mbiraore wu kogoni. Í̱na i̱ pele ngiaabo holeberegonaga i̱ turu timbuniore ho kogoni.

⁶Anduane Homogo í̱na i̱hondo bayale dege biaabo harigonaga i̱na í̱naga mini yaraga halu iba gana laga bialu holebero.