Read Huli Iba Gana 142 Bible Online

Iba Gana 142 - Huli bible

Iba Gana 142

¹Anduane Homogohanda i̱ biamogo bilonaga i̱na ibu olalu kogoni. I̱na i̱ biamogo bia lalu haya howa bi lalu kogoni.

²I̱ha genda ngangi i̱na ibu karia genda ogoni yalu piruli. I̱ mini burugulo koru bibahende ibuhondo lamiai haruli.

³I̱ mini dege dindi halu homolene kawareda lo manda bu kongi Anduane Homogo ibugua i̱ ogoale bulene ngalo mandabu kagoni. Waitigi karume i̱ gonoha do wuliya hariga poleberogoha gono wia ho ka.

⁴I̱ni kogoria kaware handa ai nai bialu koria mbirali i̱ biamogo bulene mbira naheda. Agali ko karume i̱ bo waholilono mbirali i̱ handayaho howa mamage holenebi naheoreda. I̱ dara howa biamogo bulenebi mbira naheoredane hendedo.

⁵Anduane Homogo-o í̱na i̱ biamogo bibelo olalu kogoni. Í̱ni hanguore i̱ handayaho haga kegoni. I̱ homa nabi kongi í̱nila habiya hamelo kogoni.

⁶I̱na biamogo bia lowa í̱ olalu kogonigo hale habe. I̱naga bu miniha mini dege dindi ho howa lalu kogoni. Agali i̱ mo ko hagadaruni ti hongo timbuniorehe kago i̱na ti bope habe naheore kogoni ndobe. I̱ tinaga giha koria í̱na gi mialu yamibe.

⁷Gendaru íbu ngagoha kogo bayaleore holiya í̱na i̱ biamogo bia laro. Í̱naga wali agali ngoai ho kagoria i̱na tinaga deni í̱naga mini yaraga halu holebero. Í̱na i̱hondo bayale birigonaga i̱na ani bulebero.